Бела-сіне-белы сцяг

Дэмакратычны рух Расіі і расійскай эміграцыі
Дэмакратычны рух Расіі і расійскай эміграцыі
Зацверджаны	упершыню згаданы 28 лютага 2022
Прапорцыя	1:2[крыніца?]

Бела-сіне-белы сцяг (руск.: Бело-сине-белый флаг) — сцяг, які складаецца з трох гарызантальных роўнавялікіх палос (белай, сіняй і белай), сімвал антываенных пратэстаў у Расіі пасля ўварвання Расіі ва Украіну ў лютым 2022 года падчас расійска-ўкраінскай вайны. Упершыню згаданы ў сацыяльнай сетцы «Твітэр» 28 лютага 2022 года^[1], пасля чаго атрымаў шырокае распаўсюджванне сярод расійскіх апазіцыйных сіл^[2]. Паводле слоў актывістаў, сцяг у першую чаргу ёсць сімвалам аб’яднання людзей за мір і свабоду^[3].

Легіён «Свабодная Расія» выкарыстоўвае на нарукаўных шаўронах бела-сіне-белы сцяг замест дзяржаўнага бела-сіне-чырвонага сцяга Расійскай Федэрацыі.^[4]^[5]

Гісторыя сцяга[правіць | правіць зыходнік]

Першым вядомым месцам выкарыстання бел-сіне-белага сцяга стаў вэб-сайт віртуальнай дзяржавы «Наўгародская рэспубліка», які з’явіўся ў 2010 годзе^[6]. Сцяг быў створаны на аснове фэнтэзійнага сцяга Вялікага Ноўгарада^[7]. Паводле слоў стваральніка сайта, амерыканскага праграміста Марціна Постумуса, праект задумваўся як прыклад альтэрнатыўнай гісторыі, у якой войскі Наўгародскай рэспублікі разграмілі войскі Маскоўскага княства ў бітве пад Шэлонам^[8]. Упершыню бела-сіне-белы сцяг быў прапанаваны для выкарыстання ў якасці альтэрнатыўнага сцяга Расіі карыстальнікам «Жывога журнала» Андрэем Чудзінавым 22 жніўня 2019 года^{[крыніца?]}.

Выкарыстанне сцяга было запушчана 28 лютага 2022 года адным з карыстальнікаў «Твітэра», пасля чаго той атрымаў шырокае распаўсюджванне сярод антываеннай апазіцыі — сцяг пачалі выкарыстоўваць на мітынгах, шэсцях, дэманстрацыях і іншых актах пратэсту, а таксама на адпаведных малюнках і плакатах^[9]. Выкарыстанне сцяга было на антываенным мітынгу ў Тбілісі (Грузія), а таксама на мітынгах на Кіпры і ў Екацярынбургу.^[10]^[11]^[12] Паводле паведамленняў некаторых актывістаў, асноўнае адрозненне ад расійскага сцяга — адсутнасць чырвонай паласы — і ёсць сімвал пратэсту, паколькі менавіта гэтак сцяг адмаўляе культ вайны, ваеннай экспансіі, паказвае новую старонку расійскай гісторыі, дзе няма месца самадзяржаўю, мілітарызму, культу гвалту і крыві. Паводле іхнага меркавання, выгляд сцяга ёсць адзіным прэтэндэнтам на званне сапраўднай дэмакратыі ў гісторыі Расіі. Асаблівым сімвалізмам называюць падабенства з беларускім нацыянальным Бела-чырвона-белым сцягам. Самі колеры, паводле меркавання некаторых актывістаў, характарызуюць мір, чысціню, разважлівасць (белы колер), а таксама праўду і справядлівасць (лазурны колер)^[3]^[13]^[14].