Наўгародская вобласць

Наўгародская вобласць
Герб Сцяг
Краіна	Расія
Уваходзіць у	Расія (1991—?)
Адміністрацыйны цэнтр	Вялікі Ноўгарад
Дата ўтварэння	5 ліпеня 1944
Кіраўнік	Andrey Nikitin[d]
Насельніцтва	▼571 447 чал. (1 студзеня 2024)
Плошча	54 501 км²
Часавы пояс	MSD і Еўропа/Масква[d]
Код ISO 3166-2	RU-NGR
Тэлефонны код	89331
Код аўтам. нумароў	53
Афіцыйны сайт (руск.)
Медыяфайлы на Вікісховішчы

Наўгародская вобласць — суб’ект Расійскай Федэрацыі, размешчаны на паўночным захадзе еўрапейскай часткі краіны. Адміністрацыйны цэнтр — г. Вялікі Ноўгарад. Створана 5 чэрвеня 1944 года. Насельніцтва 657 595 чалавек (1.01.2007), з якіх у гарадах пражываюць 70,2 %. Нацыянальны склад: рускія — 93,9 %, украінцы — 1,5 %, беларусы — 0,8 %. Падзяляецца на 21 раён. Буйнейшыя гарады: Вялікі Ноўгарад, Баравічы, Старая Руса.

Геаграфія

Заходнюю частку вобласці займае Прыільменская нізіна з моцна забалочанымі ўчасткамі. На паўднёвым усходзе — узгорыста-марэнная Валдайскае ўзвышша (вышыня да 296 м, г. Рыжоха), тэрасаваным выступам ўздымаецца над Прыільменскай нізінай; моцна раздзеленая рэкамі. На паўночным усходзе — Ціхвінская града (вышыня да 280 м). Клімат умерана кантынентальны. Зіма мяккая, снежная. Сярэдняя тэмпература студзеня ад −7,5 да −10,2 °C; лета умерана цёплае, сярэдняя тэмпература ліпеня ад 16,5 да 17,5 °C. Ападкаў — 700—800 мм у год. Працягласць вегетацыйнага перыяду ад 119 да 132 сутак. Большая частка рэк належыць басейну возера Ільмень (самае вялікае ў Н. а.), Найбуйнейшыя з іх: Мста, Ловаць, Палісць, Шалонь. З Ільмені выцякае рака Волхаў, якая ўпадае ў Ладажскае возера. Вобласць багатая на азёры, шмат іх на Валдайскім ўзвышшы (Валдайскае, Ужынскае, Веллё, Пірас і інш.). Глебы пераважна дзярнова-падзолістыя, на паўночным захадзе — забалочаныя. Лясы займаюць больш за 50 % тэрыторыі вобласці. На поўначы і паўночным усходзе захаваліся іглічныя лясы (елка, хвоя), у заходняй частцы — лісцяныя (бяроза, асіна вольха). Месцамі сустракаюцца дубовыя лясы. Каля 7 % тэрыторыі занята лугамі. Шырокія пойменныя лугі размешчаны па берагах возера Ільмень, р. Волхаў у дэльтах рр. Мста і Ловаць. 11 % занята тарфянымі балотамі.

У вобласці сустракаюцца лось, лісіца, выдра, норка, тхор, куніца, вавёрка, зайцы, воўк. У рэках і азёрах — снеток, лешч, шчупак, судак і інш.

Вядомыя асобы

• Надзея Паўлаўна Арсеньева

Спасылкі

• На Вікісховішчы ёсць медыяфайлы па тэме Наўгародская вобласць
• Афіцыйны сайт Архівавана 20 снежня 2005.