Буякі (Брэсцкі раён)

Вёска Буякі Краіна Беларусь Вобласць Брэсцкая Раён Брэсцкі Сельсавет Тэльмінскі Каардынаты 52°08′43″ пн. ш. 23°55′18″ у. д. Першая згадка 1510 Насельніцтва ▼19 чал. (2009) Часавы пояс UTC+3 Тэлефонны код +375 162 Паштовы індэкс 225003 Аўтамабільны код 1 СААТА 1212840011 Буякі на карце Беларусі ±

Буякі на Вікісховішчы

Буякі́ (трансліт.: Bujaki, руск.: Буяки) — вёска ў Брэсцкім раёне Брэсцкай вобласці. Уваходзіць у склад Тэльмінскага сельсавета. Размешчаны за 18 км на ўсход ад Брэста, 11 км ад чыгуначнай станцыі Жабінка.

У складзе камунальнага ўнітарнага сельскагаспадарчага прадпрыемства саўгаса «Брэсцкі» (цэнтр — в. Тэльмы 1).

Гісторыя

У XIX стагоддзі вёска — цэнтр маёнтка паноў Райскіх у Кобрынскім павеце Гродзенскай губерні. У склад яго ўваходзілі 2 вёскі — Буякі і Вочкі. У 1870 годзе вёска — цэнтр сельскай грамады. У 1897 годзе вёска ў Збіражскай воласці Кобрынскага павета, працуе вятрак, карчма. Побач размяшчалася аднайменная сядзіба.

У 1905 годзе вёска ў Збіражскай воласці Кобрынскага павета Гродзенскай губерні. Паводле Рыжскага мірнага дагавора 1921 года ў складзе Польскай Рэспублікі, у Збіражскай гміне Брэсцкага павета Палескага ваяводства.

З 1939 года ў складзе БССР. У Вялікую Айчынную вайну загінулі 9 вяскоўцаў.

Насельніцтва

• 287 сялянскіх душ у маёнтку; 11 двароў, 99 жыхароў у вёсцы (1846)
• 108 рэвізскіх душ (1870)
• 22 двары, 148 жыхароў; 9 жыхароў у сядзібе (1897)
• 119 жыхароў (1905)
• 25 двароў, 115 жыхароў (1921)
• 93 жыхары (1959)
• 82 жыхары (1970)
• 6 гаспадарак, 24 жыхары (2005)

Славутасці

Страчаная спадчына

• Сядзіба (другая палова XIX стагоддзя). Пасля Другой сусветнай вайны парк быў знішчаны разам з домам і ўсімі гаспадарчымі пабудовамі. Захаваліся толькі сажалка і адзінкавыя дрэвы колішняга парку.

Літаратура

• Гарады і вёскі Беларусі: Энцыклапедыя ў 15 тамах. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. ISBN 985-11-0373-X.

Спасылкі

• На Вікісховішчы ёсць медыяфайлы па тэме Буякі (Брэсцкі раён)