Вячаслаў Феліксавіч Шалькевіч

Вячаслаў Феліксавіч Шалькевіч
Дата нараджэння	18 верасня 1941(1941-09-18) (83 гады)
Месца нараджэння	Ганзурына, Арангойскае сельскае паселішча[d], Івалгінскі раён[d], Бурацкая АССР[d], РСФСР, СССР
Грамадзянства	Беларусь
Род дзейнасці	філосаф, гісторык
Месца працы	юрыдычны факультэт БДУ Прыродазнаўчы ўніверсітэт ва Уроцлаве Мінскі інавацыйны ўніверсітэт
Навуковая ступень	доктар філасофскіх навук (1994)
Навуковае званне	прафесар
Альма-матар	БДУ (1967)

Вячаслаў Феліксавіч Шальке́віч (польск.: Wiaczesław Szalkiewicz; нар. 18 верасня 1941, ст. Ганзурына, Бурація, РСФСР) — беларускі філосаф і гісторык. Доктар філасофскіх навук (1994), прафесар (1997).

Біяграфія

Скончыў у 1967 годзе БДУ. У 1970—1986 і 1989—2000 гадах працаваў Беларускім дзяржаўным універсітэце, прафесар кафедры паліталогіі. У 1986—1989 гадах выкладаў ва Уроцлаўскай сельскагаспадарчай акадэміі (Польшча). З 2002 года ў Мінскім інстытуце кіравання.

Навуковая дзейнасць

Навуковыя працы па гісторыі грамадска-палітычнай і філасофскай думкі Беларусі, Расіі і Польшчы XVI—XX стст., аб жыцці і дзейнасці К. Каліноўскага, Ф. Скарыны; пра светапогляд Вальтэра, Э. Канта, Сен-Сімона, Л. Феербаха, К. Маркса і інш.

Творы

• Філасофская думка ў Беларусі. Мн., 1976;
• Скарына і наш час. Мн., 1979;
• Казимир Лышчинский. Мн., 1986 (разам з К. С. Пракошынай);
• К. Калиновский: Страницы биогр. Мн., 1988;
• Сыны і пасынкі Беларусі. Мн., 1996 (у сааўтарстве);
• Скорина и Скориниана. Мн., 2001;
• Гісторыя палітычнай і прававой думкі Беларусі. 3 выд. Мн., 2002.
• Świat myśli słowiańskiej : Z historii filozofii i myśli społeczno-politycznej narodów słowiańskich / Wiaczesław Szalkiewicz. — Rzeszów, 2009.

Літаратура

• Савік М. П. Шалькевіч Вячаслаў Феліксавіч // Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — 512 с. — 10 000 экз. — ISBN 985-11-0035-8. — ISBN 985-11-0279-2 (т. 17).