Клоўска (станцыя метро)

«Клоўская» укр.: Кловська
Сырэцка-Пячэрская лінія
Кіеўскі метрапалітэн
Дата адкрыцця	31 снежня 1989 года
Праектная назва	Вуліца Мечнікава
Ранейшыя назвы	Мечнікава
Раён	Пячэрскі
Акруга	Клоў
Тып платформаў	астраўная
Даўжыня платформаў, м	103,0 м
Узведзена	Кіеўметрабуд
Выхад да вуліц	Мечнікава, Леаніда Першамайскага
Час адкрыцця	5:47
Код станцыі	316
Суседнія станцыі	Пэчэрска (станцыя метро) і Станцыя метро Палац Спорту, Кіеў
Медыяфайлы на Вікісховішчы

Клоўская (укр.: Кло́вська, вымаўленне^ⓘ) — 31-я станцыя Кіеўскага метрапалітэна, размешчаная на Сырэцка-Пячэрскай лініі, паміж станцыямі «Палац Спорту» і «Пячэрская». Адкрыта 31 снежня 1989 года пад назвай «Мечнікава» у складзе першай чаргі Сырэцка-Пячэрскай лініі. Цяперашняя назва — з 2 лютага 1993 года, ад назвы гістарычнай мясцовасці Клоў, дзе станцыя размешчана.

Канструкцыя

Станцыя глыбокага залажэння. Мае тры падземныя залы — сярэднюю і дзве з пасадачнымі платформамі. Залы станцыі злучаюцца паміж сабой шэрагам праходаў-парталаў, якія чаргуюцца з пілонамі. Пілоны вузкія, абліцаваныя белым мармурам. Скляпенні выкананы з афарбаванага ліставога алюмінію. Агульнае афармленне станцыі лаканічнае, у светлых танах, без выкарыстання адмысловых дэкаратыўных элементаў. У тарцы цэнтральнай залы — кампазіцыя на біялагічную тэматыку (у гонар біёлага Іллі Мечнікава), якая сімвалізуе біялагічную ванну ў выглядзе арачнага контррэльефа з лакальнага белага мармуру, у цэнтры якой — чорная мармуровая сфера.

Сярэдняя зала пры дапамозе эскалатарнага тунэлю з трохстужачным аднамаршавым эскалатарам злучана з падземным вестыбюлем, які выходзіць у падземны пераход на вул. Мечнікава. Наземны вестыбюль адсутнічае.

Рэжым працы

Адкрыццё — 05:47, закрыццё — 0:11. Адпраўленне першага цягніка ў напрамку:

• ст. «Сырэц» — 05:58
• ст. «Чырвоны хутар» — 05:52

Адпраўленне апошняга цягніка ў напрамку:

• ст. «Сырэц» — 00:27
• ст. «Чырвоны хутар» — 00:18

Фотаздымкі

• 
  Цэнтральная зала
• 
  Пасадачная платформа
• 
  Назва станцыі на пуцявой сцяне
• 
  Форма пілонаў
• 
  Форма пілонаў
• 
  Кампазіцыя на біялагічную тэматыку ў тарцы залы
• 
  Уваход на станцыю з боку эскалатараў
• 
  Эскалатарны нахіл

Спасылкі

• Звесткі на афіцыйным сайце Кіеўскага метрапалітэна Архівавана 17 студзеня 2021. (укр.)
• Старонка станцыі на неафіцыйным сайце Кіеўскага метрапалітэна Архівавана 25 лістапада 2010. (руск.)
• Абмеркаванне станцыі на неафіцыйным сайце Кіеўскага метрапалітэна Архівавана 17 кастрычніка 2011. (руск.)
• Вэб-энцыклапедыя Кіева Архівавана 20 кастрычніка 2007. (укр.)