Кура (рака)

Кура
азерб. Kür, груз. მტკვარი, тур. Kura
Рака Кура (Мтквары) у Тбілісі
Характарыстыка
Даўжыня	1364 км
Басейн	188 000 км²
Расход вады	≈575 м³/с
Вадацёк
Выток	Турцыя
• Каардынаты	40°50′01″ пн. ш. 42°49′12″ у. д.
Вусце	Каспійскае мора
• Вышыня	-28 м
• Каардынаты	39°17′11″ пн. ш. 49°25′40″ у. д.
Размяшчэнне
Водная сістэма	Каспійскае мора
Краіна	Турцыя  Грузія  Азербайджан
— выток, — вусце
Медыяфайлы на Вікісховішчы

Кура́ — рака ў Турцыі, Грузіі і Азербайджане.

Даўжыня ракі 1364 км, плошча басейна 188 тыс. км². Пачынаецца на Армянскім нагор'і ў Турцыі, да горада Тбілісі цячэ пераважна ў цяснінах, месцамі — у міжгорных катлавінах, ніжэй рэчышча падзяляецца на рукавы, даліна пашыраецца. Вышэй горада Мінгечаур у вузкай цясніне перасякае скалістую граду Баздаг, ніжняе цячэнне па Кура-Араксінскай нізіне, моцна меандрыруе, берагі нізкія, абвалаваныя. Упадае ў Каспійскае мора, утварае дэльту (плошча 100 км²). Галоўны прыток — Аракс. Сярэдні гадавы расход вады каля в. Хулур 270 м³/с. Сцёк наносаў да 21 млн. т за год.

Выкарыстоўваецца для арашэння. Частка вады па канале перадаецца для абваднення ракі Аракс. У дэльце рыбалоўства (сяўруга, бялуга, асётр, судак і інш.). Суднаходная ў ніжнім цячэнні. Зема-Аўчальская, Мінгечавірская і інш. ГЭС. На Куры — гарады Горы, Тбілісі, Руставі (Грузія), Мінгечаур, Сабірабад (Азербайджан).

Літаратура

• Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — 560 с. — 10 000 экз. — ISBN 985-11-0035-8. — ISBN 985-11-0155-9 (т. 9).

Спасылкі

• Кура (руск.) — артыкул з Вялікай савецкай энцыклапедыі