Кусіэль Саламонавіч Шыфрын

Кусіэль Саламонавіч Шыфрын
Дата нараджэння	26 ліпеня 1918(1918-07-26) ці 1918
Месца нараджэння	Мсціслаў, Мсціслаўскі павет, Магілёўская губерня
Дата смерці	2011
Месца смерці	Олбані, Linn County[d], Арэгон, ЗША
Грамадзянства	СССР  ЗША
Род дзейнасці	фізік, геафізік, выкладчык універсітэта
Навуковая сфера	геафізіка
Месца працы	Галоўная геафізічная абсерваторыя імя А. І. Вайекава[d] Інстытут акіяналогіі РАН[d] Арэгонскі ўніверсітэт
Навуковая ступень	доктар фізіка-матэматычных навук
Навуковае званне	прафесар
Альма-матар	Санкт-Пецярбургскі дзяржаўны ўніверсітэт

Шыфрын Кусіэль Саламонавіч (Шлёмавіч) (26 ліпеня 1918, Мсціслаў — 2 чэрвеня 2011, ЗША) — геафізік. Стваральнік навуковай школы па оптыцы атмасферы і акіяна. Член Міжнароднага геафізічнага саюза, Амерыканскага аптычнага таварыства. Доктар фізіка-матэматычных навук, прафесар.

Біяграфія

У 1940 скончыў скончыў фізічны факультэт Ленінградскага ўніверсітэта. У 1946—1969 гадах у Галоўнай геафізічнай абсерваторыі імя А. І. Ваейкава, загадчык лабараторыі радыяцыйных працэсаў у атмасферы. З 1969 года загадчык лабараторыі оптыкі акіяна ў Ленінградскім аддзялення Інстытута акіяналогіі Акадэміі навук СССР. З 1992 года — у ЗША, у Арэгонскім універсітэце.

Навуковая дзейнасць

Першыя навуковыя працы ў вобласці электроннай тэорыі цвёрдых цел: правёў асноватворнае даследаванне электрычных уласцівасцей добраправодзячых паўправаднікоў. З 1946 года пачаў займацца праблемамі оптыкі. Распрацаваў методыку вывучэння атмасферы і акіяна прыборамі, усталяванымі на штучных спадарожніках Зямлі. Кіраўнік навуковай школы оптыкі атмасферы і акіяна.

Аўтар каля 350 навуковых прац і некалькіх манаграфій, у тым ліку «Рассейванне святла ў мутным асяроддзі» (М.-Л., 1951), «Фізічная оптыка акіянскай вады» (Л., 1983). Прымаў удзел у стварэнні «Табліц па светларассейванню» (1968-77) і 8 калектыўных манаграфій па фізіцы атмасферы і акіяна.

Літаратура

• Шыфрын Кусіэль Саламонавіч // Беларуская энцыклапедыя: У 18 т. Т. 18. Кн. 1: Дадатак: Шчытнікі — Яя / Рэдкал.: Г. П. Пашкоў і інш. — Мн. : БелЭн, 2004. — Т. 18. Кн. 1. — С. 22. — 10 000 экз. — ISBN 985-11-0035-8. — ISBN 985-11-0295-4 (т. 18. Кн. 1).

Спасылкі

• Шифрин Кусиель Соломонович — артыкул з РЕЭ
• Шыфрын Кусіэль Саламонавіч на сайце анлайн-энцыклапедыі «Беларусь у асобах і падзеях»