Лілія Бусарава

Лілія Бусарава
Дата нараджэння	1977
Месца нараджэння	Акцябрск, гарадская акруга Акцябрск[d], Куйбышаўская вобласць, РСФСР, СССР
Грамадзянства	Беларусь
Род дзейнасці	мастачка
Вучоба	БДПУ

Лілія Бусарава (нар. 1977, Акцябрск Куйбышаўскай вобласці РСФСР) — беларуская мастачка.

Біяграфія

У 2002 годзе скончыла Беларускі дзяржаўны педагагічны ўніверсітэт імя Максіма Танка, факультэт народнай культуры. Супрацоўнічала з выдавецтвам «Белфакс» па ілюстраванні 5 дзіцячых кніжак, займалася дызайнам аўтарскіх магнітаў і кубкаў у кампаніі «Каляровы Парасон». У 2015 годзе ў межах міжнароднага праекта ў Нідэрландах ілюстравала дзіцячую кніжку «Mama gaat het niet geloven» (бел.: Мама не паверыць). Удзельніца праекта пра 16 знакамітых жанчын Беларусі «Яна была» у межах серыі Гендарны маршрут. Ілюстравала кнігу «Стэфка і народзіны» выдавецтва «Янушкевіч». Удзельніца Міжнароднага фестывалю кніжнай ілюстрацыі і візуальнай літаратуры «Морс» (2019).

Станам на 2024 год мастачка жыве і працуе ў Польшчы.

Творчасць Ліліі Бусаравай уключае ілюстрацыі, кніжны графік, скетчы, лялечніцтва, кераміку, акцыі ў любіцельскім тэатры. Працуе ў тэхніцы акварэль і калаж.

Узнагароды

• Лаўрэатка прэміі Цёткі за мастацкае афармленне кнігі Эдзі Агняцвет «Мой рыжы Бім» (Мастацкая літаратура, 2022).

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх