Мельнік (Падляскае ваяводства)

Вёска Мельнік польск.: Mielnik Герб Краіна Польшча Ваяводства Падляскае Павет Семятыцкі Гміна Мельнік Каардынаты 52°19′48″ пн. ш. 23°02′55″ у. д. Першая згадка 1240 Водныя аб’екты Буг Насельніцтва 879 чал. (2011) Часавы пояс UTC+1, летам UTC+2 Паштовыя індэксы 17-307 Мельнік на карце Польшчы ±

Медыяфайлы на Вікісховішчы

Ме́льнік (польск.: Mielnik, па-падляску: Mélnik) — вёска ва ўсходняй Польшчы. Уваходзіць у склад Семятыцкага павета Падляскага ваяводства, сядзіба вясковай гміны Мельнік.

Геаграфія

Паселішча размяшчаецца над ракой Буг, непадалёк ад беларуска-польскай мяжы. У наваколлі Мельніка рачная даліна перасякае пояс напорных марэн сожскага зледзянення. Назва мясцовасці ўзнікла ад пакладаў мелу, якія знаходзяцца пад вёскай. Мел залягае тут у ледавіковых адорвенях.

Гісторыя

Галіцка-Валынскае княства

Упершыню Мельнік згаданы пад 1240 годам у Іпацьеўскім летапісе. У 1260 годзе князь Васілька Раманавіч маліўся ў Мельніцкай царкве Св. Багародзіцы перад паходам на яцвягаў.

Вялікае Княства Літоўскае

У 1324 годзе дарагічынская зямля была далучанага Гедзімінам да Вялікага Княства Літоўскага. Пад 1378 годам у Хроніцы Віганда ўзгадваецца аблога мельніцкага замка тэўтонцамі. У 1420 годзе князь Вітаўт заснаваў першы касцёл Божага Цела, Узвышэння Маці Божай і Усіх Святых.

У 1430—1444 гадах Мельнік знаходзіўся ў руках мазавецкіх князёў. У 1440 годзе Мельнік атрымаў ад князя Баляслава Варшаўскага кульмскае гарадское права.

23 кастрычніка 1501 года вялікі князь літоўскі Аляксандр у мельніцкім замку падпісаў акт мельніцкай уніі, а некалькімі днямі пазней дараваў Мельніку магдэбургскае права. З 1520 года цэнтр асобнага Мельніцкага павета. У 1551 годзе замак перабудаваны ў стылі рэнесансу.

Рэч Паспалітая

У 1569 годзе разам з Падляшскім ваяводствам Мельнік далучаны да Кароны Польскай Рэчы Паспалітай. У 1657 годзе горад разбураны шведскімі і трансільванскімі войскамі.

У 1776 годзе ў Мельніку пабудаваная Пакроўская царква.

Пад уладай Расійскай імперыі

Пасля трэцяга падзелу Рэчы Паспалітай ў 1795 годзе і да падпісання Тыльзіцкага дагавора 1807 года па тэрыторыі сучаснага паселішча праходзіла граніца між прускім, аўстрыйскім і расійскім падзеламі.

У 1825 годзе ў пабудаваная Прачысценская царква. У 1871 годзе гатычны замкавы Троіцкі касцёл перададзены праваслаўным, у 1915 годзе зруйнаваны.

Найноўшы час

У 1920 годзе пабудаваны новы касцёл Перамянення Божага. У 1934 годзе па просьбах жыхароў Мельнік пазбаўлены гарадскіх правоў.

З 1939 года Мельнік ў складзе Брэсцкай вобласці БССР. У 1940 годзе ў час будаўніцтва Лініі Молатава жыхары Мельніка вымушаныя пакінуць горад.

22 ліпеня 1944 года савецкія войскі вызвалілі Мельнік ад нацысцкай акупацыі.

У 1953 годзе заснаваны камбінат па здабычы крэйды.

Славутасці

• Троіцкі касцёл.

• 
  Руіны Траецкага касцёла (1420 г.)
• 
  Пакроўская царква (1776 г.)
• 
  Прачысценская царква (1821—1823 гг.)
• 
  Праабражэнскі касцёл (1912—1920 гг.)
• 
  Сінагога (XIX ст.)
• 
  Замкавая гара
• 
  Праваслаўная царква Раства Маці Божай.

Гл. таксама

• Падляшша

Спасылкі

• На Вікісховішчы ёсць медыяфайлы па тэме Мельнік (Падляскае ваяводства)
• Афіцыйная старонка (польск.)