Мікола Дубоўскі

Мікола Дубоўскі
Мікола Аляксандравіч Дубоўскі
Асабістыя звесткі
Псеўданімы	Дубоўскі Н., Мікалай Дубоўскі, Мікола Дубоўскі
Дата нараджэння	17 студзеня 1933(1933-01-17)
Месца нараджэння	Самойлавічы[d], гміна Сялец, Пружанскі павет, Палескае ваяводства, Польская Рэспубліка
Дата смерці	11 мая 2013(2013-05-11) (80 гадоў)
Месца смерці	Мінск, Беларусь
Пахаванне	Усходнія могілкі
Грамадзянства	Польская Рэспубліка  БССР  Беларусь
Альма-матар	філалагічны факультэт БрДУ імя А. С. Пушкіна (1956)
Месца працы	Заря Чырвоная змена Настаўніцкая газета БелДрук
Прафесійная дзейнасць
Род дзейнасці	пісьменнік, публіцыст, празаік
Гады творчасці	1974—2013
Кірунак	аповеды пра вайну 1941—1945
Мова твораў	беларуская
Дэбют	«Грымотнае ранне» (1984)
Грамадская дзейнасць
Член у	Саюз беларускіх пісьменнікаў
Мікола Дубоўскі

Мікола (Мікалай Аляксандравіч) Дубоўскі (17 студзеня 1933 года, в. Самойлавічы, Пружанскі павет, Польская Рэспубліка, цяпер на тэрыторыі горада Бярозы — 11 мая 2013, Мінск) — беларускі пісьменнік, празаік, член Саюза пісьменнікаў Беларусі.

Біяграфія

Нарадзіўся ў вёсцы Самойлавічы Пружанскага павета Палескага ваяводства, Польская Рэспубліка (цяпер мікрараён горада Бяроза Брэсцкай вобласці, Беларусь). Пайшоў у школу 1 верасня 1939 года — у адзін дзень з пачаткам Другой сусветнай вайны. Падзеі гэтых часоў ляглі ў аснову яго аповесці «Грымотнае ранне». Скончыў школу ў суседняй Бярозе.

У 1956 годзе скончыў філалагічны факультэт Брэсцкага педагагічнага інстытута (цяпер БрДУ імя А. С. Пушкіна). Атрымаў спецыяльнасць «выкладчык беларускай мовы і літаратуры».

Працаваў настаўнікам у Браслаўскім раёне, потым перайшоў працаваць у Брэсцкую абласную газету «Зара», у рэспубліканскай моладзевай газеце «Чырвонай Змене», «Настаўніцкай газеце». З 1959 года інспектар, потым да пенсіі старэйшы інспектар Рэспубліканскага прадпрыемства «Белсаюздрук» Міністэрства сувязі БССР. Жыў у Мінску.

Памёр 11 мая 2013 года ў Мінску. Пахаваны ў калумбарыі на Усходніх могілках.

Творчасць

Аўтар тэкстаў да агітацыйнах плакатаў. Склаў каляндар на 1974 год. У 1984 годзе выйшла кніга, у якую ўвайшла аповесць «Грымотнае ранне» М. Дубоўскага і апавяданні беларускага пісьменніка Васіля Ткачова. У 1991 годзе выйшла кніга «Першая прыступка», у якую ўвайшлі аповесці і апавяданні «Пасля світанку» і «Соль» М. Дубоўскага і аповесць «Каменная сцяна» Міколы Горцава. У 1994 выйшаў асабісты зборнік аповесцяў і апавяданняў «Шапен». Друкаваў апавяданні ў часопісах «Полымя» і «Дзеяслоў», газеце «Новы Час», літаратуразнаўчыя артыкулы ў газеце «Літаратура і мастацтва».

Спасылкі

• Дубоўскі Мікалай Аляксандравіч (нявызн.). Саюз Беларускіх пісьменнікаў. — Творчая арганізацыя Беларусі. Архівавана з першакрыніцы 5 верасня 2014. Праверана 4 мая 2020.
• Леанід Дайнека. Свой агеньчык (нявызн.). Архівавана з першакрыніцы 26 чэрвеня 2016. Праверана 4 мая 2020.
• «У кожнага свая вайна»