Заря (газета)

«Заря»
Тып	газета
Заснавальнік	Брэсцкі абласны выканаўчы камітэт[d] і Брэсцкі абласны Савет дэпутатаў
Заснавана	верасень 1939
Мова	беларуская і руская
Галоўны офіс	будынак выдавецтва газеты «Заря»[d] Брэст
Вэб-сайт	zarya.by (руск.)

«Заря́» — абласная газета. Выходзіць 2 разы на тыдзень на беларускай і рускай мовах. Заснавальнікі — Брэсцкі абласны выканаўчы камітэт і Брэсцкі абласны Савет дэпутатаў. Рэдакцыя размяшчаецца ў горадзе Брэсце па праспекце Машэрава, 75/1.

Заснавана ў верасні 1939 г. пад назвай «Рабочы» (26.9 — 24.12.1939) як орган Брэсцка-Літоўскага Часовага ўпраўлення, затым Часовага ўпраўлення г. Брэст. З 1940 г. мела назву «Зара». У перыяд з 1 студзеня 1940 г. да 21 чэрвеня 1941 г. выходзіла як орган Брэсцкага абкама КП(б)‌Б і абласнога Савета дэпутатаў працоўных.

У час Вялікай Айчыннай вайны з’яўлялася органам Брэсцкага падпольнага абкама КП(б)‌Б. Выдавалася каля возера Спораўскае Бярозаўскага раёна і ва ўрочышчы Хаваншчына каля в. Корачын Івацэвіцкага раёна Брэсцкай вобласці пры штабе Брэсцкага партызанскага злучэння ў 1943–1944 гг. Вядома 60 нумароў за перыяд з 6 мая 1943 г. да 26 ліпеня 1944 г. на рускай мове. Тыраж кожнага нумара складаў 200–300 экзэмпляраў. Рэдактар В. Ф. Калібераў.

Пасля вызвалення БССР выдавалася пад той жа назвай. З лютага 1965 г. друкавалася як орган Брэсцкага абкама і Брэсцкага гаркама КПБ, абласнога i гapадскога Саветаў дэпутатаў працоўных (Саветы народных дэпутатаў з 1977).

Спасылкі

• Афіцыйны сайт