Рыгор Раманавіч Акулевіч

Рыгор Раманавіч Акулевіч
Род дзейнасці	рэвалюцыянер, публіцыст
Дата нараджэння	19 красавіка 1907(1907-04-19)
Месца нараджэння	Вялікая Кракотка, Міжэвіцкая воласць[d], Слонімскі павет, Гродзенская губерня, Літоўскае генерал-губернатарства, Расійская імперыя
Дата смерці	28 кастрычніка 1974(1974-10-28) (67 гадоў)
Партыя	Беларуская сялянска-работніцкая грамада
Член у	Таварыства беларускай школы

Рыго́р Рама́навіч Акуле́віч (19 красавіка 1907, в. Вялікая Кракотка, Слонімскі раён, Гродзенская вобласць — 28 кастрычніка 1974) — грамадска-культурны дзеяч беларускай эміграцыі, выдавец, публіцыст.

Біяграфія

Нарадзіўся ў вёсцы Вялікая Кракотка Слонімскага раёна (цяпер Гродзенская вобласць). Адзін з арганізатараў гурткоў Беларускай сялянска-работніцкай Грамады і ТБШ, бібліятэкі імя Янкі Купалы на радзіме. Ратуючыся ад рэпрэсій з боку польскіх уладаў, выехаў у 1928 годзе ў Канаду. Удзельнічаў тут у прасавецкім беларускім руху, у выпуску газеты «Канадский гудок» (зачынена канадскімі ўладамі за адозвы-падтрымкі палітыкі СССР), дзе ў першых трох нумарах, па-беларуску, друкаваўся «Беларускі куток». Адзін са стваральнікаў пракамуністычнай Федэрацыі рускіх канадцаў і яе друкаванага органа — газеты «Вестник». Неаднойчы наведваў Беларускую ССР (1947 і 1955 гг.).

Творчасць

Кніга «Русские в Канаде» (Таронта, 1952) ёсць важнаю крыніцаю па гісторыі эміграцыі ў Канадзе, насельніцтва з беларуска-літоўскіх губерняў.

У кнізе «50 лет Белорусской республики», якая выйшла ў выдавецтве «Вестник» (Таронта, 1968) вельмі крытычна і ў даволі рэзкай форме напісаў пра антысавецкіх беларусаў-эмігрантаў. Як успамінае беларускі грамадска-палітычны дзеяч Міхась Ганько, аўтар, аднекуль атрымаў фотакартку яго брата, Мікалая, ваеннага часу, і пераблытаў братоў.

Працы

Кнігі

• Русские в Канаде: История русских рабоче-фермерских клубов им. М. Горького (1930—1940) и Федерации русских канадцев (1941—1952). Первые исследования северо-запада Америки; духоборцы; ранняя русская иммиграция в различных частях Канады; Православная церковь; русские общества. — Торонто: Главное Правление Федерации русских канадцев, 1952. — 326, [2] с.
• 50 лет Белорусской республики. — Торонто: Главное Правление Федерации русских канадцев, 1968.

Артыкулы

• О том, как Акула Беларусь строил // Голас Радзімы. — 1963. — № 55. — С. 5.

Літаратура

• Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — 552 с. — 10 000 экз. — ISBN 985-11-0035-8. — ISBN 985-11-0036-6 (т. 1).
• Пра БНР у таронтаўскай газэце // Беларус. — 1970. — № 157. — С.
• Юрэвіч, Л. Аўтапартрэт у стылі grotesque: Сатырычныя друкі і творы паваеннай эміграцыі ў Канадзе // Юрэвіч, Л. Жанры / Лявон Юрэвіч; [навук. рэд. Н. Гардзіенка]. — Мн.: Кнігазбор, 2013. — 523, [2] с. — С. 249—250. — (Бібліятэка Бацькаўшчыны; Кн. 21). — ISBN 978-985-7057-28-3.