Свята-Аляксандра-Неўская царква (Стрэльна)

Славутасць
Свята-Аляксандра-Неўская царква
52°10′56″ пн. ш. 25°25′08″ у. д.
Краіна	Беларусь
Вёска	Стрэльна
Канфесія	БПЦ
Епархія	Пінская і Лунінецкая епархія
Дата пабудовы	1800 год
Медыяфайлы на Вікісховішчы

Свята-Аляксандра-Неўская царква — праваслаўны храм у в. Стрэльна Іванаўскага раёна Брэсцкай вобласці.

Гісторыя

У цэнтры вёскі. Пабудавана ў 1800 годзе з дрэва. Перабудоўвалася ў 1930-я гады.

Архітэктура

Вырашана ў традыцыях народнага дойлідства з рысамі класіцызму. Адзіны прамавугольны падоўжны зруб, які пераходзіць у трохсценную апсіду. З боку галоўнага фасада, завершанага трохвугольным франтонам, двухсхільны дах прарэзаны чацверыковай шатровай вежай-званіцай. Гарызантальна ашаляваны бакавыя фасады рытмічна расчлянёны арачнымі аконннымі праёмамі ў простых ліштвах і брусамі-сцяжкамі ў прасценках, грані апсіды — арачнымі.

Інтэр’ер

У інтэр'еры апсіда вылучана драўляным разным іканастасам з царскімі варотамі ў стылі барока: на ажурным разным раслінна-кветкавым фоне вылучаюцца 6 авальных абразоў-таблетак. Абразы 18 — 19 ст.: «Спас Пантакратар», «Маці Божая з дзіцем», «Маці Божая Замілаванне». Плоская столь пакрыта размалёўкай.

Літаратура

• Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

Спасылкі

• Свята-Аляксандра-Неўская царква (Стрэльна) на сайце Глобус Беларусі (руск.)
• Свята-Аляксандра-Неўская царква (Стрэльна) на сайце «Архіварта»