Свята-Пакроўская царква (Вялікая Ліпа)
Славутасць | |
Свята-Пакроўская царква | |
---|---|
![]() | |
53°14′34″ пн. ш. 26°29′57″ у. д.HGЯO | |
Краіна |
![]() |
Вёска | Вялікая Ліпа |
Канфесія | БПЦ |
Епархія | Слуцкая епархія |
![]() |
Свята-Пакроўская царква — праваслаўны храм у в. Вялікая Ліпа Нясвіжскага раёна Мінскай вобласці. Размешчана на заходняй ускраіне вёскі, на могілках. Помнік архітэктуры барока.
Гісторыя[правіць | правіць зыходнік]
Пабудавана ў 1773 годзе з цэглы. У 1896 годзе пры царкве пабудавана драўляная царкоўнапрыходская школа. Царква адкрыта ў 1990-я гады.
Архітэктура[правіць | правіць зыходнік]
Храм атрымаў характэрны манументальна-пластычны выгляд, чаму садзейнічаюць буйныя архітэктуныя формы і асабліва — маляўнічае завяршэнне галоўнага фасада ўвагнута-выпуклым фратонам, чляненне плоскасных бакавых фасадаў лучковымі праёмамі і арачнымі нішамі. Кампактны прамавугольны ў плане аб'ём пераходзіць у паўкруглую апсіду з бакавымі нізкімі рызніцамі. Вось сіметрыі галоўнага фасада, расчлянёнага лапаткамі на 3 праслы, адзначана лучковымі ўваходным і 2 аконнымі праёмамі. Бляшаны дах над алтарнай часткай завершаны галоўкай. Пры ўваходзе ў малітоўную залу на 2 калонках размешчаны хоры.
Спадарожныя збудаванні[правіць | правіць зыходнік]
Перад царквой пастаўлена прамавугольная ў плане двух'ярусная мураванвя званіца з шатровым пакрыццём.
![](http://upload.wikimedia.org/wikipedia/commons/thumb/3/3b/%D0%92%D1%8F%D0%BB%D1%96%D0%BA%D0%B0%D1%8F_%D0%9B%D1%96%D0%BF%D0%B0._%D0%9A%D0%B0%D0%BF%D0%BB%D1%96%D1%87%D0%BA%D0%B0_%D0%BB%D1%8F_%D1%86%D0%B0%D1%80%D0%BA%D0%B2%D1%8B.jpg/220px-%D0%92%D1%8F%D0%BB%D1%96%D0%BA%D0%B0%D1%8F_%D0%9B%D1%96%D0%BF%D0%B0._%D0%9A%D0%B0%D0%BF%D0%BB%D1%96%D1%87%D0%BA%D0%B0_%D0%BB%D1%8F_%D1%86%D0%B0%D1%80%D0%BA%D0%B2%D1%8B.jpg)
Побач з царквой — капліца. Пабудавана ў 19 ст. з цэглы. Помнік архітэктуры класіцызму. Вырашана чатырохграннай цэнтрычнай двух'яруснай вежай, накрытай сплюшчаным купалам на нізкім цыліндрычным барабане. Першы глухі ярус крапаваны філёнгамі, другі вырашаны 4 аркамі, дэкарыраванымі па вуглах калонамі.
![](http://upload.wikimedia.org/wikipedia/commons/thumb/5/57/%D0%92%D1%8F%D0%BB%D1%96%D0%BA%D0%B0%D1%8F_%D0%9B%D1%96%D0%BF%D0%B0._%D0%9A%D0%B0%D0%BF%D0%BB%D1%96%D1%86%D0%B0-%D0%BF%D0%B0%D1%85%D0%B0%D0%B2%D0%B0%D0%BB%D1%8C%D0%BD%D1%8F_%D0%BA%D0%B0%D0%BB%D1%8F_%D1%86%D0%B0%D1%80%D0%BA%D0%B2%D1%8B.jpg/220px-%D0%92%D1%8F%D0%BB%D1%96%D0%BA%D0%B0%D1%8F_%D0%9B%D1%96%D0%BF%D0%B0._%D0%9A%D0%B0%D0%BF%D0%BB%D1%96%D1%86%D0%B0-%D0%BF%D0%B0%D1%85%D0%B0%D0%B2%D0%B0%D0%BB%D1%8C%D0%BD%D1%8F_%D0%BA%D0%B0%D0%BB%D1%8F_%D1%86%D0%B0%D1%80%D0%BA%D0%B2%D1%8B.jpg)
Побач размешчана капліца-пахавальня. Пабудавана ў 19 ст. з цэглы. Невялікі прамавугольны аб'ём пад двухсхільным дахам. Глухія плоскасныя фасады крапаваны па вуглах канеліраванымі пілястрамі, прамавугольны ўваходны праём дэкарыраваны прафіляваным сандрыкам на фігурных кранштэйнах і нішай-эпітафіяй над ім.
Літаратура[правіць | правіць зыходнік]
- Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4
Спасылкі[правіць | правіць зыходнік]
На Вікісховішчы ёсць медыяфайлы па тэме Свята-Пакроўская царква (Вялікая Ліпа)
- Свята-Пакроўская царква (Вялікая Ліпа) на сайце Праваслаўная архітэктура Беларусі (бел.)
- Свята-Пакроўская царква (Вялікая Ліпа) на сайце Radzima.org
- Свята-Пакроўская царква (Вялікая Ліпа) на сайце Глобус Беларусі (руск.)
- Свята-Пакроўская царква (Вялікая Ліпа) на сайце «Архіварта»