Смалёўка вільчатая

Смалёўка вільчатая
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Гваздзікакветныя Сямейства:  Гваздзіковыя Падсямейства:  Caryophylloideae Трыба:  Sileneae Род:  Смалёўка Падрод:  Behenantha Секцыя:  Dichotomae Від:  Смалёўка вільчатая
Міжнародная навуковая назва
Silene dichotoma Ehrh., 1792
Сістэматыка на Віківідах Выявы на Вікісховішчы ITIS   20063 NCBI   39878 EOL   588673 GRIN   t:316831 IPNI   157226-1 TPL   kew-2488226

Смалёўка вільчатая, Ласкаўка (Siléne dichótoma) — від травяністых раслін, які адносіцца да роду Смалёўка (Silene) сямейства Гваздзіковыя (Caryophyllaceae).

Распаўсюджаная пераважна ў Нечарназёмнай і Чарназёмнай зонах пустазельная расліна (антрапахор).

Батанічнае апісанне

Кветка (выгляд з боку чашачкі)

Батанічная ілюстрацыя з кнігі Яна Копса «Flora Batava», 1800—1934

Аднагадовая або двухгадовая расліна з патоўшчаным стрыжнёвым коранем, з 1-4 простымі да моцна разгалінаваных сцебламі 30—80 см вышынёй, з 6—8 вузламі.

Прыкаранёвае лісце часам сабранае ў аформленую разетку, хутка вяне. Сцябловае лісце супраціўнае, ніжняе — звужаныя ў кароткія хвосцікі, вузкаэліптычнае да яйкападобных, з вострай верхавінай, 3,5—9 см даўжынёй і 0,5—3 см шырынёй.

Кветкі адкрываюцца ноччу, духмяныя. Суквецце — дыхазій да 3,5 см даўжынёй, двойчы — тройчы разгалінаваны, з 15—50 сядзячых кветак. Ніжнія прыкветкі аблісцвеныя, лінейна-ланцэтныя, верхнія — плёнкавыя, вузкатрохвугольныя. Кветкі, як правіла, двухполыя. Чашачка бочкападобная або званочкавая, з 10 выступаючымі зялёнымі жылкамі, з багатымі жарсткаватымі адтапыранымі валасінкамі, 11—14 мм даўжынёй, з трохкутнымі зубцамі 1,5—3,5 мм даўжынёй. Вяночак белы 17—22 мм даўжынёй, пялёсткі з глыбока двураздзельным адгінам, з невялікімі лускавінкамі-прыдаткамі. Тычынкі высунутыя з трубкі, слупкоў тры.

Каробачка яйкападобнай формы, скурыстая, 12 × 6 мм, жоўта-карычневая, з карычнева-чырвоным да шэра-чорнага пупышкападобным насеннем 1,4—1,9 × 1—1,2 мм.

Распаўсюджанне

Шырока распаўсюджаная ва Усходняй і Паўднёва-Усходняй Еўропе расліна, якая часам заносіцца ў іншыя рэгіёны, у тым ліку ў Паўночную Амерыку. Пустазельная расліна па пашах і ў пасевах шматгадовых траў, травы і бабовых.

Таксанамія

Silene dichotoma Ehrh., Naturk. 7: 144 (1792).

Сінонімы

• Silene mathei Pénzes, 1959
• Silene racemosa Otth, 1824
• Silene sibthorpiana Rchb., 1832
• Silene trinervis Banks & Sol., 1794

Літаратура

• Silene L. — Смолевка // Определитель высших растений Беларуси (руск.) / Под ред. В. И. Парфёнова. — Мн.: Дизайн Про, 1999. — С. 68—69, 75—76. — 472 с. — 1 000 экз. — ISBN 985-6182-78-6.
• Шишкин Б. К. Род 487. Смолёвка — Silene L. // Флора СССР. В 30-ти томах / Главный редактор акад. В. Л. Комаров; Редактор тома Б. К. Шишкин. — М.—Л.: Издательство Академии Наук СССР, 1936. — Т. VI. — 956 + XXXVI с. — 5 200 экз.
• Jonsell B. 17. Silene dichotoma Ehrh. // Flora Nordica / B. Jonsell (ed.). — Stockholm, 2001. — Vol. 2. Chenopodiaceae to Fumariaceae. — P. 198—199. — ISBN 91-7190-037-3.

Спасылкі

• Смолёвка вильчатая: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
• Silene dichotoma Ehrh. (Смолевка вильчатая) (руск.)