Страхавы поліс
Страхавы поліс (англ.: insurance policy, фр.: police, італ.: polizza — распіска, квітанцыя) — як правіла, імянны дакумент, які пацвярджае афармленне дагавора страхавання, выданы страхавой кампаніяй (страхоўшчыкам) страхавальніку (застрахаванаму). Ён таксама змяшчае ўказанне на суб’ектаў страхавых адносін і істотныя ўмовы дагавора страхавання [1], напрыклад, від, аб’ект, пачатак і канец дзеяння страхавання, памер страхавой сумы, звесткі аб страхоўшчыку, страхавальніку і іншыя ўмовы[2]. Поліс выдаецца страхавальніку пасля афармлення дагавора і аплаты страхавой прэміі[3]. У полісе таксама павінна змяшчацца спасылка на дзейсныя правілы страхавання. Да каштоўных папер страхавы поліс не адносіцца[1].
Апісанне[правіць | правіць зыходнік]
Страхавы поліс звычайна павінен утрымоўваць:
- назву дакумента;
- найменне, юрыдычны адрас і банкаўскія рэквізіты страхоўшчыка;
- поўнае найменне ці прозвішча, імя, імя па бацьку страхавальніка і яго адрас;
- указанне аб’екта страхавання;
- памер страхавой сумы;
- указанне страхавой рызыкі;
- памер страхавога ўнёску (унёскаў), тэрміны і парадак яго аплаты;
- тэрмін дзеяння дагавора страхавання, парадак змены і спынення дагавора страхавання;
- іншыя ўмовы па пагадненні бакоў, у тым ліку дадаткі да правіл страхавання, або выключэнні з іх;
- подпісы бакоў.
Поліс страхавання жыцця звычайна ўтрымоўвае ўказанне выгоданабыўцы. У шэрагу відаў страхавання (марское страхаванне, страхаванне маёмасці і іншыя) страхавы поліс можа быць аформлены на прад’яўніка, без указання выгоданабыўцы. У такіх выпадках для ажыццяўлення страхавальнікам ці выгоданабыўцам праў па такім дагаворы неабходна прад’яўленне гэтага поліса страхоўшчыку[1].
Па асобных відах страхавання дзейнічаюць тыпавыя формы полісаў (напрыклад, формы поліса па абавязковым страхаванні грамадзянскай адказнасці ўладальнікаў транспартных сродкаў і па абавязковым медыцынскім страхаванні).
Пры страхаванні грузаў нароўні з полісам, якія дзейнічаюць на адну партыю груза, могуць ужывацца генеральныя полісы, па якім страхуюцца розныя партыі аднатыпных грузаў. У таксаваным полісе загадзя паказваецца ацэнка кошту застрахаванай маёмасці[4].
Крыніцы[правіць | правіць зыходнік]
- ↑ а б в Страховой полис // Социальное партнёрство — Телевидение. — М. : Большая Российская энциклопедия, 2016. — С. 303. — (Большая российская энциклопедия : [в 35 т.] / гл. ред. Ю. С. Осипов; 2004—). — ISBN 978-5-85270-368-2.
- ↑ Полис страховой // Большая советская энциклопедия : ([в 30 т.]) / гл. ред. А. М. Прохоров. — 3-е изд.. — М. : Советская энциклопедия, 1969—1978. (руск.)
- ↑ Шахов В.В. Страховой полис // Введение в страхование. — Масква: Финансы и статистика, 1999. — С. 189. — 286 с. — ISBN 5-279-02059-1.
- ↑ Страховой полис // Финансово-кредитный энциклопедический словарь. — М.: Финансы и статистика. Под общ. ред. А. Г. Грязновой. 2002.
Літаратура[правіць | правіць зыходнік]
- Страхавы поліс // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 204. — 10 000 экз. — ISBN 985-11-0035-8. — ISBN 985-11-0251-2 (т. 15).