Стэманітыс
| Стэманітыс | |||||||||||||||||||
 Stemonitis splendens | |||||||||||||||||||
| Навуковая класіфікацыя | |||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
|
прамежныя рангі
| |||||||||||||||||||
| Міжнародная навуковая назва | |||||||||||||||||||
|
Stemonitis Gled., 1753 | |||||||||||||||||||
| |||||||||||||||||||
Стэмані́тыс[1] (Stemonitis) — род міксаміцэтаў сямейства Stemonitidaceae, шырока распаўсюджаны ў прыродзе, за выключэннем Антарктыкі.
Апісана каля 20 відаў (дадзеныя 2017 года), на тэрыторыі былога СССР выяўлена 8 відаў (1993). Спарангіі прадстаўнікоў роду, вонкава не адрозныя ад сучасных, былі знойдзены ў мелавым бірманскім бурштыне[2].
Апісанне
[правіць | правіць зыходнік]Плазмодый белы або жоўты. Споранашэнне мае выгляд шматлікіх цыліндрычных «пярынак» (спарангіяў), якія размешчаны на субстраце амаль вертыкальна, утвараючы групы. Спарангій 2—20 мм вышынёй з больш ці менш выяўленай ножкай. Унутры спарангія ножка пераходзіць у калонку, якая праходзіць амаль па ўсёй яго даўжыні. Ад калонкі адыходзяць ніткі капіліцыя; на паверхні спарангія (пад перыдыем) яны ўтвараюць большай часткай замкнёную сетку. Перыдый мае выгляд плёнкі, хутка знікаючы.
Споры ў масе чорныя ці карычневыя, у праходным святле бура-фіялетавыя.
Адрозніваць асобныя віды цяжка, для дакладнай ідэнтыфікацыі звычайна неабходная мікраскапія.
Распаўсюджанне і экалогія
[правіць | правіць зыходнік]Распаўсюджаны род, сустракаецца галоўным чынам летам і восенню на гнілым дрэве, адмерлых галінах, лісці.
Межы роду даволі размытыя. Ад блізкага роду Comatricha адрозніваецца замкнёнай сеткай капіліцыя на паверхні спарангія.
Асноўныя віды
[правіць | правіць зыходнік]
- Stemonitis aequalis
- Stemonitis axifera
- Stemonitis comatricha
- Stemonitis flavogenita
- Stemonitis fusca — Стэманітыс буры[1]
- Stemonitis herbatica
- Stemonitis lamproderma
- Stemonitis nigrescens
- Stemonitis pallida
- Stemonitis smithii
- Stemonitis splendens
- Stemonitis virginiensis
Зноскі
[правіць | правіць зыходнік]- ↑ а б ЭПБ 1986.
- ↑ Jouko Rikkinen, David A. Grimaldi, Alexander R. Schmidt Morphological stasis in the first myxomycete from the Mesozoic, and the likely role of cryptobiosis(англ.) // Scientific Reports. — 2019-12-24. — В. 1. — Т. 9. — С. 1–8. — ISSN 2045-2322. — DOI:10.1038/s41598-019-55622-9 Архівавана з першакрыніцы 11 студзеня 2020.
Літаратура
[правіць | правіць зыходнік]- Сцефановіч А. І. Стэмані́тыс // Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — С. 28. — 583 с., іл. — 10 000 экз.
Слоўнікі і энцыклапедыі | |
|---|---|
| Таксанамія | |
| Нарматыўны кантроль | Microsoft: 2778140954 |
