Уладзімір Антонавіч Марук

Уладзімір Антонавіч Марук
Уладзімір Антонавіч Марук
Асабістыя звесткі
Дата нараджэння	6 студзеня 1954
Месца нараджэння	Гута, Лактышскі сельсавет, Ганцавіцкі раён, Пінская вобласць, БССР, СССР;
Дата смерці	23 студзеня 2010 (56 гадоў)
Месца смерці	Мінск, Беларусь;
Пахаванне	могілкі Калодзішчы;
Грамадзянства	Беларусь;
Альма-матар	Магілёўскі дзяржаўны бібліятэчны каледж імя А. С. Пушкіна; філалагічны факультэт БДУ;
Прафесійная дзейнасць
Род дзейнасці	перакладчык, паэт
Мова твораў	беларуская
Грамадская дзейнасць
Член у	Саюз беларускіх пісьменнікаў;

Уладзімір Антонавіч Марук (6 студзеня 1954, в. Гута Ганцавіцкага раёна — 23 студзеня 2010) — беларускі паэт і перакладчык.

Біяграфія

Нарадзіўся ў сялянскай сям’і. У 1970 скончыў Моўчадскую сярэднюю санаторную школу-інтэрнат і паступіў у Магілёўскі бібліятэчны тэхнікум. Пасля заканчэння тэхнікума працаваў ва ўстановах культуры Ганцавіцкага раёна — у Шашкоўскай сельскай, раённай дзіцячай бібліятэках, загадчыкам аўтаклуба. У 1980 годзе скончыў філалагічны факультэт Беларускага дзяржаўнага ўніверсітэта. Працаваў настаўнікам беларускай мовы і літаратуры ў сярэдняй школе № 106 у Мінску. 3 1981 — карэспандэнт, загадчык аддзела літаратуры і мастацтва газеты «Звязда», з 1986 — рэдактар, загадчык рэдакцыі выдавецтва «Юнацтва». 3 1998 галоўны рэдактар выдавецтва «Белфакс». У 2003—2010 гадах намеснік галоўнага рэдактара часопіса «Полымя».

Творчасць

Першыя вершы апублікаваў у 1972 (газета «Магілёўская праўда»). Займаўся перакладамі з узбекскай, армянскай, туркменскай моў. Яго лепшыя вершы ўвайшлі ў асобныя анталогіі беларускай паэзіі.

Аўтар зборнікаў паэзіі:

«Зоркі ў кронах» (1982),
«Ліст рабіне» Архівавана 5 сакавіка 2016. (1987),
«Інкрустацыя голасам» Архівавана 5 сакавіка 2016. (1991),
«Ехаў чыж у Парыж» Архівавана 5 сакавіка 2016. (1994),
«Чыж вярнуўся з-за мяжы» Архівавана 17 верасня 2015. (2003),
«Кудмень» Архівавана 5 сакавіка 2016. (2011).

Прызнанне

Член Саюза беларускіх пісьменнікаў (1984)
У чэрвені 2014 года ў вёсцы Гута на доме, у якім выхоўваўся Уладімір Антонавіч Марук, усталявалі мемарыяльную дошку.

Спасылкі

Уладзімір Марук Архівавана 25 жніўня 2011. на нацыянальным паэтычным партале «Вершы.ru»