Царква Раства Хрыстова (Віцебск)

Помнік сакральнай архітэктуры
Царква Раства Хрыстова
Царква Раства Хрыстова
55°11′25″ пн. ш. 30°12′10″ у. д.
Краіна	Беларусь
Горад	Віцебск
Архітэктурны стыль	класіцызм
Дата заснавання	XVII ст.
Дата пабудовы	1810 год
Медыяфайлы на Вікісховішчы

Царква Раства Хрыстова — помнік архітэктуры XIX ст. у Віцебску. Знаходзілася ў прадмесці Заручаўі, на Раства-Набярэжнай вуліцы. Твор архітэктуры класіцызму. У 1940-я гады савецкія ўлады зруйнавалі царкву.

Гісторыя

Ю. Пешка, каля 1800

Драўляная царква Раства Багародзіцы заснавана ў XVII—XVIII стагоддзях.

Па першым падзеле Рэчы Паспалітай (1772) царква працягвала дзейнічаць. У 1810 годзе на месцы драўлянай збудавана мураваная царкву, якую 1 кастрычніка асвяціў полацкі архіепіскап Ян Красоўскі.

У 1839 годзе ўлады Расійскай імперыі гвалтоўна адабралі царкву ў Святога Прастола і перадалі яе Маскоўскаму патрыярхату. У другой палове XIX ст. да царквы прыбудавалі званіцу ў маскоўскім стылі. У пачатку XX ст. купал-баню замянілі на цыбуліну.

У Другую сусветную вайну царква пацярпела. Да 1950 года савецкія ўлады зруйнавалі помнік архітэктуры.

Архітэктура

Помнік архітэктуры класіцызму. Царква мела крыжова-купальны план. На сяродкрыжжам узвышаўся купал.

Унутраныя памеры царквы: даўжыня каля 15,5 метраў, шырыня — каля 11.

Галерэя

• Старыя здымкі
• 
  Па надбудове званіцы, 1910
• 
  1912
• 
  1912
• 
  Па надбудове купала-цыбуліны, 1941

Літаратура

• Праваслаўныя храмы на Беларусі: Энцыкл. даведнік / А. М. Кулагін; маст. І. І. Бокі. — 2-е выд. — Мінск: БелЭн, 2001. — 328 с. — ISBN 985-11-0190-7.

Спасылкі

• На Вікісховішчы ёсць медыяфайлы па тэме Царква Раства Хрыстова (Віцебск)