Эміліяна Марцінес

Эміліяна Марцінес
Агульная інфармацыя
Нарадзіўся	2 верасня 1992(1992-09-02) (32 гады) Мар-дэль-Плата, Хенераль-Пуэйрэдан[d], правінцыя Буэнас-Айрэс, Аргенціна
Грамадзянства	Аргенціна
Рост	195 см
Вага	85 кг
Пазіцыя	брамнік
Клубная кар’ера
Медыяфайлы на Вікісховішчы

Даміян Эміліяна Марцінес Рамера (ісп.: Damián Emiliano Martínez Romero; нар. 2 верасня 1992) — аргенцінскі футбаліст, брамнік англійскага клуба «Астан Віла» і нацыянальнай зборнай Аргенціны.

Кар’ера

Клубная

Ігрок ёсць выхаванцам сістэмы клуба «Індэпенд’ентэ», але ўжо ў маладосці далучыўся да структуры лонданскага «Арсеналу». Па прыбыцці ў Англію, брамнік доўгі час праводзіў у арэндах у іншых, пераважна англійскіх, клубах. Гэтак футбаліст выправіўся ў «Оксфард Юнайтэд», калі асноўныя іхныя брамнікі Раян Кларк і Уэйн Браўн атрымалі пашкоджанні. Марцінес дэбютаваў у розыгрышу Кубка футбольнай лігі 5 мая 2012 года ў матчы супраць «Порт Вейлу», але няўдала, бо гульня скончылася на карысць супернікаў. Вяртаючыся ў «Арсенал» футбаліст часам трапляў у заяўку на матчы ў выпадку траўмаў асноўных ці запасных брамнікаў. Але нават мог і выйсці ў асноўным складзе, як у матчы Кубка футбольгай лігі супраць «Ковентры Сіці» 26 верасня 2012 года. У кастрычніку 2013 года брамнік на кароткі тэрмін далучыўся да «Шэфілду Юнайтэд». У кастрычніку 2014 года Марцінес дэбютаваў у Лізе чэмпіёнаў у матчы «Арсенала» супраць «Андэрлехту». 22 лістапада выйшаў на пляцоўку, замяніўшы траўмаванага Войцеха Шчэнснага, у матчы супраць «Манчэстэр Юнайтэд». З траўмай яшчэ і Давіда Аспіны аргенцінец зноў атрымаў шанц і выйшаў у матчы Лігі чэмпіёнаў супраць дортмундскай «Барусіі», дзе вылучыўся і быў намінавы ў сімвалічную зборную тыдня. У сакавіку 2015 года далучыўся да «Ротэргэму Юнайтэд», а потым сышоў у арэнду ва «Вулверхэмптан Уондэрэрс». 2 жніўня 2017 года Марцінес на сезон выправіўся ў іспанскі «Хетафэ», а ў студзені 2019 года прыйшоў на дапамогу «Рэдынгу». З траўмай Бернда Лена футбаліст зноў атрымаў шанц згуляць у браме «Арсеналу». Гэтым разам ён дапамог здабыць Кубак Англіі 2020 года, а крыху пазней выйшаў на поле ў матчы Суперкубка Англіі.

16 верасня 2020 года Марцінес пасля працяглага часу сышоў з «Арсеналу», далучыўшыся да «Астан Вілы». «Віланы» выклалі за брамніка 20 млн фунтаў стэрлінгаў, а дамова з клубам была разлічана на чатыры гады. Дэбют у складзе бірмінгемцаў адбыўся ўжо на наступным тыдні пасля гэтага ў матчы супраць «Шэфілду Юнайтэд» (1:0). У першы ж сезон аргенцінец дасягнуў клубнага рэкорда, усталяванага Брэдам Фрыдэлам, паводле колькасці «сухіх» матчаў у браме (15). Дзякуючы гэтаму быў абраны заўзятарамі іграком сезону. У студзені 2022 года працягнуў дагавор з клубам да 2027 года.

Міжнародная

Марцінес выклікаўся ў нацыянальную зборную Аргенціны яшчэ ў 2011 годзе, каб замяніць Оскара Устары. Наступны выклік быў ажно толькі ў 2019 годзе, але ігрок усё яшчэ не дэбютаваў у складзе дружыны. Першы матч у аргенцінскай зборнай правёў 3 чэрвеня 2021 года ў адборачным матчы да чэмпіянату свету 2022 года супраць зборнай Чылі. Разам з дружынай узяў удзел у розыгрышу Кубка Амерыкі 2021 года, дзе дапамог камандзе здабыць перамогу ў турніры. Быў узнагароджаны тытулам «Залатая пальчатка», як найлепшы брамнік спаборніцтва.

Дасягненні

«Арсенал»:

• Уладальнік Кубка Англіі: 2020
• Уладальнік Суперкубка Англіі: 2014, 2015, 2020

«Аргенціна»:

• Чэмпіён свету: 2022
• Уладальнік Кубка Амерыкі: 2021

Спасылкі

• Профіль на сайце transfermarkt.com (англ.)
• Профіль на сайце soccerway.com (руск.)
• Профіль на сайце worldfootball.net (англ.)