Бадмінтон

З пляцоўкі Вікіпедыя
Перайсці да: рух, знайсці
Бадмінтон. Парная сустрэча

Бадмінтон — від спорту, які складаецца ў перакідванні праз сетку гульнявога снарада пад назвай валан з дапамогай ракетак. Алімпійскі від спорту з 1992 года.

Правілы[правіць | правіць зыходнік]

У бадмінтон гуляюць два чалавекі адзін супраць аднаго або дзве каманды з двух чалавек. Гульня праходзіць на пляцоўцы, падзеленай сеткай. Праціўнікі размяшчаюцца на процілеглых баках пляцоўкі.

Гуляюць на пляцоўцы 13,4 х 5,2 м (для адзіночных) ці 13,4 х 6,1 м (для парных сустрэч) праз сетку памерам 6,10 х 0,75 м, нацягнугую на вышыні 155 см. Мэта гульні не дапусцідь падзення валана на сваім баку, а прызямліць яго на пляцоўцы саперніка. Гуляюць 3 партыі да ліку 15 ачкоў у кожнай, у жаночых і даіцячых сустрэчах да 11 ачкоў.

Гісторыя[правіць | правіць зыходнік]

Радзіма бадмінтона — Індыя. У 2-й пал. XIX ст. завезены ў Англію, назва ад англ. г. Бадмінтан, дзе ў 1872 прайшлі першыя спаборніцтвы. Папулярны ў краінах Паўднёва-Усходняй Азіі.

3 1934 дзейнічае Міжнародная федэрацыя бадмінтона, чэмпіянаты свету з 1977, Еўропы з 1968; з 1992 (Барселона) бадмінтон у Алімпійскай праграме.

У Беларусі развіваецца з 1960-х г. У 1962 створана федэрацыя бадмінтона Беларусі. У 1968 адбылася першая міжнародная сустрэча (з камандай Югаславіі). Зборная каманда Беларусі шматразовы чэмпіён і прызёр чэмпіянатаў СССР, Кубкаў СССР і летніх Спартакіяд народаў СССР. З 1993 Беларусь уваходзіць ў Міжнародную федэрацыю і Еўрапейскі саюз па бадмінтоне.

Літаратура[правіць | правіць зыходнік]

  • Бадмінтон // БЭ ў 18 т. Т. 2. Мн., 1996.

Спасылкі[правіць | правіць зыходнік]