Бобі Чарльтан

Бобі Чарльтан

ЧАРЛЬТАН Роберт (Бобі) (CHARLTON Robert (Bobby)) 11 кастрычніка 1937) — футбаліст зборнай каманды Англіі. Паўабаронца, нападнік. чэмпіён свету ў складзе зборнай Англіі і ўладальнік «Залатога мяча» 1966 года. Большую частку кар'еры правёў за «Манчэстэр Юнайтэд», у якім быў капітанам. Чарльтан быў атакуючым паўабаронцам, валодаў адпрацаваным дрыблінгам, дакладным пасам і пастаўленым далёкім ударам. Ён прызнаецца многімі адным з найвялікшых футбалістаў Англіі усіх часоў.

Чарльтан пачаў выступаць за асноўны склад «Манчэстэр Юнайтэд» ў 1956 годзе, а на працягу наступных двух сезонаў трывала заваяваў сабе месца ў аснове. Ён выжыў у мюнхенскай авіякатастрофе 1958 года, пасля чаго дапамог «Юнайтэд» выйграць Першы дывізіён у сезонах 1964/65 і 1966/67. У 1966 годзе Чарльтан разам са зборнай Англіі стаў чэмпіёнам свету. У 1968 годзе «Юнайтэд», у складзе якога Чарльтан быў капітанам, стаў першым англійскім клубам, які выйграў Кубак еўрапейскіх чэмпіёнаў. Ён забіў за «Манчэстэр Юнайтэд» і зборную Англіі больш галоў, чым любы іншы гулец за ўсю гісторыю. Яму таксама доўгі час належаў рэкорд па колькасці матчаў, праведзеных за «Юнайтэд» (758), які пабіў Раян Гігз ў фінале Лігі чэмпіёнаў УЕФА ў Маскве 21 мая 2008 года.

На момант завяршэння кар'еры за зборную Англіі ў 1970 годзе яму належаў рэкорд па найбольшай колькасці гульняў за зборную (106 матчаў). Пазней гэты рэкорд быў пабіты Бобі Мурам, а затым Пітэрам Шылтанам.

Крыніцы

• Руднік В. Чэмпіёны свету па футболе 1930—2006. — Беласток:"Set-Print", 2006.