Валянціна Фёдараўна Каліноўская

Валянціна Фёдараўна Каліноўская
Дата нараджэння	21 ліпеня 1938(1938-07-21) (85 гадоў)
Месца нараджэння	Кіеў, УССР, СССР
Грамадзянства	СССР  Украіна
Муж	Q44058339? і Q44058343?
Адукацыя	Кіеўскае дзяржаўнае харэаграфічнае вучылішча (1957)
Прафесія	балерына, балетмайстар
Тэатр	Нацыянальны акадэмічны тэатр оперы і балета Украіны імя Т. Шаўчэнкі Serge Lifar Dance Academy[d]
Узнагароды

Валянціна Фёдараўна Каліноўская (укр.: Валентина Федорівна Калиновська; нар. 21 ліпеня 1938) — украінская балерына, балетмайстар, харэограф, педагог. Народная артыстка СССР (1968).

Біяграфія

Нарадзілася 21 ліпеня (па іншых крыніцах — 28 ліпеня) 1938 года ў Кіеве. Танцавальная кар’ера пачалася ў аматарскай харэаграфічнай студыі, акрамя танцаў займалася акрабатыкай.

У 1957 годзе скончыла Кіеўскае дзяржаўнае харэаграфічнае вучылішча па класе Г. А. Бярозавай і А. В. Ярыгінай. З 1957 года — салістка балета Кіеўскага тэатра оперы і балета імя Т. Шаўчэнкі.

Гастралявала па гарадах СССР і за мяжой: Францыя, Японія, Швецыя, Данія, Партугалія, Югаславія, ЗША, Балгарыя, Канада, Нарвегія, Італія, Румынія і інш.

З 1981 года — педагог і балетмайстар-рэпетытар тэатра, адначасова ў 1991—2006 гадах — дырэктар балетнай трупы тэатра.

З 1993 года — віцэ-прэзідэнт Украінскай акадэміі танца (цяпер — Каледж харэаграфічнага мастацтва «Кіеўская муніцыпальная ўкраінская акадэмія танца ім. С. Ліфара»).

Неаднаразова ўдзельнічала ў журы міжнародных такіх балетных форумаў, як Міжнародны конкурс артыстаў балета і харэографаў імя Сержа Ліфара, фестывалі «Танец XXI стагоддзя», «Танец без межаў» і інш.

Узнагароды і званні

• Заслужаная артыстка Украінскай ССР (1961)
• Народная артыстка Украінскай ССР (1965)
• Народная артыстка СССР (1968)
• Ордэн Працоўнага Чырвонага Сцяга (1967)
• Ордэн княгіні Вольгі III ступені (1998)
• Ордэн княгіні Вольгі II ступені (2008)
• Медаль «У памяць 1500-годдзя Кіева»
• Залаты медаль Акадэміі мастацтваў Украіны (2013).