Возера Дрысвяты

Дрысвяты Дрысвяты
Каардынаты 55.630614, 26.59978955°37′50.21″ пн. ш. 26°35′59.24″ у. д.55.630614° пн. ш. 26.599789° у. д.
Краіны	Беларусь
Плошча	44,5 км²
Аб'ём	313 км³
Найбольшая глыбіня	33,3 м
Даўжыня	13 км
Шырыня	5,8 км
Даўжыня берагавой лініі	60,3 км
Вадазбор	604 км²
Дрысвяты
Дрысвяты

Дрысвяты (літ.: Drūkšiai) — возера на мяжы Літвы і Беларусі (Браслаўскі раён). Найбольшае паводле плошчы возера Літвы.

Плошча 44,5 км². Найбольшая глыбіня 31 м. Даўжыня 13 км, найбольшая шырыня 5,8 км. Даўжыня берагавой лініі 60,3 км. Аб'ём вады 313 млн. м³. Плошча вадазбору 604 км².

У басейне р. Дрысвята, за 22 км на захад ад г. Браслаў, каля в. Дрысвяты.

Схілы катлавіны — узгоркі і грады вышынёй да 15 м, месцамі спадзістыя, забалочаныя, усходнія і паўднёва-ўсходнія разараныя, астатнія аблесеныя. Звілістая берагавая лінія ўтварае мноства заліваў, асабліва ў паўднёвай частцы. На берагах шмат валуноў. Рэльеф дна ўзгорысты; да глыбіні 5 м пясчаныя грунты, цэнтральная частка выслана ілам, 8 астравоў, найбольшы з іх Замак (пл. 0,26 км², у XIV — XVII ст. тут існаваў Дрысвяцкі замак). Зарастае каля 10 % плошчы возера.

Упадаюць рэкі Апівардка, Рычанка, выцякае р. Прорва.

Выкарыстоўваецца як вадаём-ахаладжальнік Ігналінскай АЭС.

Літаратура

• Блакiтная кнiга Беларусi: Энцыкл. / БелЭн; Рэдкал.: Н. А. Дзiсько i iнш. — Мн.: БелЭн, 1994.