Горад Кейсарыя

З пляцоўкі Вікіпедыя.
Перайсці да: рух, знайсці
Старажытны горад
Кесарыя
קֵיסָרְיָה
Caesarea-4-229.jpg
Раскопкі ў Кесарыі
Краіна
Ізраіль
Заснаваны
Зруйнаваны
Каардынаты
Горад Кейсарыя (Ізраіль)
Горад Кейсарыя

Кейсарыя, гістарычная Кесарыя Палесцінская (у адрозненне ад Кесарыі Філіпавай і інш.) або Цэзарыя — горад у Ізраілі, старажытны горад у Палесціне на ўсходнім беразе Міжземнага мора паміж Яфай і Дорай, які быў пабудаваны Ірадам Вялікім у 2-ой палове 1 ст. да н.э. і названы так у гонар рымскага імператара (ад лац. caesar: цэзар, кесар).

Кесарыя хутка расла, багацела і стала адным з галоўных гарадоў Палесціны. Яна служыла рэзідэнцыяй рымскіх пракуратараў і цэнтрам грамадска-палітычнага жыцця краіны, адыгрывала важную ролю ў гісторыі распаўсюду хрысціянства. Паводле Новага Запавету тут апостал Пётр упершыню хрысціў паганца, сотніка Карнілу[1]; тут адбыўся суд над апосталам Паўлам[2].

Пасля разбурэння Іерусаліма Кесарыя зрабілася сталіцаю Палесціны. У 198 г. тут адбыўся царкоўны сабор. У 4 ст. тут працаваў пачынальнік царкоўнай гісторыі Яўсевій Кесарыйскі[3].

У часы крыжовых паходаў Кесарыя адыгрывала важную ролю як адна з крэпасцяў. Але з 13 ст. пасля яе разбурэння ў 1265 султанам Бібарсам горад пачаў занепадаць і зараз ад Кесарыі Палесцінскай засталіся толькі руіны, за якімі захавалася старажытная назва даўняга горада.[4]

Глядзі таксама: Кесарыя Кападокійская, Кесарыя Маўрытанская, Кесарыя Філіпава.

Зноскі

  1. Дзеянні святых апосталаў, X, 1, 21; XI, 11.
  2. Дзеянні святых апосталаў, IX, XXI, XXIII, XXV—XXVII.
  3. Бракгаўз і Ефрон.
  4. Скарына Ф.: Творы… С. 152.

Літаратура[правіць | правіць зыходнік]

  • Скарына Ф. Творы: Прадмовы, сказанні, пасляслоўі, акафісты, пасхалія / Уступ. арт., падрыхт. тэкстаў, камент., слоўнік А.Ф. Коршунава, паказальнікі А.Ф. Коршунава, В.А. Чамярыцкага. —Мн.: Навука і тэхніка, 1990. —207 с.: іл. С.152. ISBN 5-343-00151-3.
  • Кесария // Энциклопедический словарь Брокгауза и Ефрона: В 86 томах (82 т. и 4 доп.) — СПб., 1890—1907.

Спасылкі[правіць | правіць зыходнік]

Шаблон:Асноўныя нацыянальныя паркі і запаведнікі Ізраіля