Зіверт, адзінка вымярэння

Зіверт (пазначэнне: Зв, Sv) — адзінка вымярэння эфектыўнай і эквівалентнай доз іянізавальнага выпраменьвання ў СІ (выкарыстоўваецца з 1979 г.).

Праз іншыя адзінкі вымярэння СІ зіверт выяўляецца наступным чынам:

1 Зв = 1 Гр = 1 Дж / кг = 1 м² / с²

Роўнасць зіверта і грэя паказвае, што эфектыўная доза і паглынутая доза маюць аднолькавую памернасць, але не значыць, што эфектыўная доза лікава роўная паглынутай дозе. Пры азначэнні эфектыўнай дозы ўлічваецца біялагічнае ўздзеянне радыяцыі, яна роўная паглынутай дозе, памножанай на каэфіцыент якасці, які залежыць ад віду выпраменьвання.

Адзінка названая ў гонар швецкага навукоўца Рольфа Зіверта (de:Rolf Sievert).

Кратныя і дзельныя адзінкі

Дзесятковыя кратныя і дзельныя адзінкі ўтвораюць з дапамогай стандартных прыставак СІ.

Кратныя				Дзельныя
парадак	назва	азначэнне		парадак	назва	азначэнне
101 Зв	дэказіверт	даЗв	daSv	10−1 Зв	дэцызіверт	дЗв	dSv
10² Зв	гектазіверт	гЗв	hSv	10−2 Зв	сантызіверт	сЗв	cSv
10³ Зв	кілазіверт	кЗв	kSv	10−3 Зв	мілізіверт	мЗв	mSv
106 Зв	мегазіверт	МЗв	MSv	10−6 Зв	мікразіверт	мкЗв	µSv
109 Зв	гігазіверт	ГЗв	GSv	10−9 Зв	наназіверт	нЗв	nSv
1012 Зв	тэразіверт	ТЗв	TSv	10−12 Зв	піказіверт	пЗв	pSv
1015 Зв	петазіверт	ПЗв	PSv	10−15 Зв	фемтазіверт	фЗв	fSv
1018 Зв	экзазіверт	ЭЗв	ESv	10−18 Зв	атазіверт	аЗв	aSv
1021 Зв	зетазіверт	ЗЗв	ZSv	10−21 Зв	зептазіверт	зЗв	zSv
1024 Зв	ётазіверт	ІЗв	YSv	10−24 Зв	ёктазіверт	іЗв	ySv

Дапушчальныя і смяротныя дозы для чалавека

Мілізіверт часта выкарыстоўваецца як мера дозы пры медыцынскіх дыягнастычных працэдурах (рэнтгенаскапія, рэнтгенаўская тамаграфія, і т. п.).

Натуральнае фонавае іянізавальнае выпраменьванне звычайна вар'іруецца зблізку 2,4 мЗв/год.

Пры апрамяненні ўсяго цела, 1 Зв выклікае змены ў крыві , 2—5 Зв выклікае аблысенне і белакроўе, парадку 3 Зв прыводзіць да смерці на працягу 30 дзён у 50 % выпадкаў.

Спасылкі

• Вытворныя адзінкі СІ (Міжнароднае бюро мер і ваг)(англ.)