Льюіс Кэрал

Льюіс Кэрал
Lewis Carroll
Імя пры нараджэнні:	Чарльз Латуідж Доджсан Charles Lutwidge Dodgson
Дата нараджэння:	27 студзеня 1832
Месца нараджэння:	Дарсберы, Чэшыр, Англія
Дата смерці:	14 студзеня 1898
Месца смерці:	Гілфард, Сурэй, Англія
Грамадзянства:	Вялікабрытанія
Род дзейнасці:	пісьменнік, матэматык, логік, філосаф і фатограф
Творы ў Вікікрыніцах.

Льюіс Кэрал (англ.: Lewis Carroll, сапр. Charles Lutwidge Dodgson; 27 студзеня 1832, в.Дарсберы, графства Чэшыр — 14 студзеня 1898, Гілфард, Сурэй) — англійскі пісьменнік, матэматык, логік, філосаф і фатограф.

Біяграфічныя звесткі

Скончыў каледж у Оксфардзе. У 1855-81 прафесар матэматыкі Оксфардскага ўніверсітэта. У 1861 прыняў сан дыякана. У 1867 наведаў Расію, напісаў «Рускі дзённік».

Творчасць

Найбольш вядомы яго казачныя аповесці «Аліса ў краіне цудаў» (1865) і «Праз люстэрка» (1871). У паэтыцы аповесцяў, пабудаваных на снах Алісы, дамінуюць прынцыпы «бяссэнсіцы» і інтэлектуальнай гульні; для іх характэрна спалучэнне гратэску, гумару з літаратурнымі алюзіямі і запазычаннямі. Аўтар паэтычнай кнігі «Паляванне буркуна» (1876), рамана «Сільві і Бруна» (ч. 1-2, 1889-93), зборнікаў вершаў, загадак, шматлікіх прац па матэматыцы і логіцы. Пакінуў багатую эпісталярную спадчыну (98721 ліст).

Беларускія пераклады

• «Алесіны прыгоды ў Дзівоснай краіне» (пер.Макс Шчур)
• «Скрозь Люстэрка і што ўбачыла там Аліса» (пер. Вера Бурлак) // ARCHE 10-2009

Літаратура

• John Pudney. Lewis Carroll and his world. Thames and Hudson. London 1976.

Спасылкі

• На ВікіСховішчы ёсць медыяфайлы па тэме Льюіс Кэрал