Практыт

Практыт — запаленне слізістай абалонкі прамой кішкі. Часцей бывае ў спалучэнні з запаленчымі зменамі іншых аддзелаў кішэчніка (напрыклад, неспецыфічны язвавы каліт). Бывае практыт банальнага характару (траўміраванне пры анальным сексе). Трэшчыны і кровазліцці ў слізістай абалонцы кішкі з'яўляюцца варотамі ВІЧ-інфекцыі і развіцця СНІДу. Прыкметы: адчуванне пякоты ў вобласці задняга праходу, частыя пазывы на дыярэю, выдзяленні слізі, крыві. Лячэнне тэрапеўтычнае, хірургічнае.

Літаратура

• Беларуская энцыклапедыя: У 18 т. Т. 12: Палікрат — Праметэй / Рэдкал.: Г. П. Пашкоў і інш. — Мн. : БелЭн, 2001. — Т. 12. — 576 с. — 10 000 экз. — ISBN 985-11-0035-8. — ISBN 985-11-0198-2 (т. 12).