Сакара
Сакара (араб. سقارة) — паселішча ў Егіпце, прыкладна ў 30 км на поўдзень ад Каіра, дзе знаходзіцца найстаражытнейшы некропаль адной з сталіц старажытнага Егіпту — Мемфіса.
Працягласць мемфіскага некропаля з поўначы на поўдзень — сем кіламетраў; шырыня 1500—500 м. Усяго царскіх пірамід — адзінаццаць, большай часткай 6-й дынастыі, сярод іх вылучаюцца пахаванні фараонаў Тэці, Пэпі I і Пэпі II. Цэнтральнае збудаванне — ступеньчатая піраміда Джосера, фараона 3-й дынастыі, хоць царскія пахаванні ажыцяўляліся тут яшчэ ў часы 2-й дынастыі, а першыя мастабы адносяцца да перыяду 1-й дынастыі.
Хоць пасля Пэпі II фараонаў у Сакары не хавалі, пахаванні меней важных асоб працягваліся тут ва ўсе наступныя перыяды, аж да рымскай эпохі. Знакаміты ўзурпатар Харэмхеб падрыхтаваў тут для сябе грабніцу яшчэ перад тым, як стаць фараонам. Адна з цікавых рыс некропаля — Серапеўм, па дарозе да якога ў эліністычны перыяд былі расстаўлены статуі вялікіх грэчаскіх філосафаў.
Раскопкі ў Сакары ажыцяўляліся ўвесь час; сістэматычна павёў справу Марыет, дом якога захоўваецца ў паўночнай частцы пустыні. Як ні дзіўна, велізарная сістэма пахавальных камер у наваколлях Ступеньчатай піраміды была выяўлена толькі ў 1924 г. У 2006 г. на тэрыторыі некропаля з'явіўся музей Імхатэпа.
Гл. таксама [правіць]
- Сакарскі спіс — адзін з найстаражытнейшых захаваных дакументаў гістарычнага ўтрымання
- «Птушка з Сакары» — адна з самых загадкавых знаходак, зробленых у Сакары
Спасылкі [правіць]
 |
Сусветная спадчына ЮНЕСКА, аб'ект № 86 рус. • англ. • фр. |
 |
Гэта пачатак артыкула пра Старажытны Егіпет. Вы можаце дапамагчы праекту, выправіўшы і дапоўніўшы яго. |
