Фларыдскае цячэнне

Флары́дскае цячэнне — цёплае марское цячэнне ў Атлантычным акіяне ўздоўж паўднёва-ўсходняга ўзбярэжжа амерыканскага штата Фларыда.

З’яўляецца працягам Карыбскага цячэння і цячэ ва ўсходнім кірунку праз Фларыдскі праліў паміж Фларыдай і Кубай. Пасля гэтага перад Багамскімі астравамі паварочвае на паўночны ўсход. Трохі паўночней аб’ядноўваецца з Антыльскім цячэннем і ўтварае Гальфстрым. Цячэннем у асноўным пераносяцца воды з Карыбскага мора, якія паступаюць праз Юкатанскі праліў.

Фларыдскае цячэнне нясе прыкладна 32 млн м³ вады ў секунду пры хуткасці 1,8 м/c. Салёнасць вады ў ядры цячэння больш за 36 г/л.

Літаратура

• Беларуская энцыклапедыя: У 18 т. Т. 16: Трыпалі — Хвіліна / Рэдкал.: Г. П. Пашкоў і інш. — Мн.: БелЭн, 2003. — Т. 16. — С. 424. — 576 с. — 10 000 экз. — ISBN 985-11-0263-6 (Т. 16).

Спасылкі

• Вымярэнні Фларыдскага цячэння ў Фларыдскім праліве
• Полосин А. С. Флоридское течение(недаступная спасылка) // Вялікая савецкая энцыклапедыя (руск.)