Шарашоўскі раён

Шарашоўскі раён
Шарашоўскі раён
Краіна	СССР
Уваходзіў у	Брэсцкая вобласць
Уключаў	Бакунскі сельсавет; Бродскі сельсавет; Котранскі сельсавет; Крыніцкі сельсавет; Мураўскі сельсавет; Папялёўскі сельсавет; Роўбіцкі сельсавет; Старавольскі сельсавет; Сухопальскі сельсавет; Шчэрчаўскі сельсавет; Ялоўскі сельсавет
Адміністрацыйны цэнтр	Шарашова
Дата ўтварэння	15 студзеня 1940
Дата скасавання	17 снежня 1956

Шарашо́ўскі раё́н — былы раён у паўднёва-заходняй частцы Беларускай ССР, у Брэсцкай вобласці ў 1940—1956 гадах. Утвораны 15 студзеня 1940 года, тэрыторыя ахоплівала частку колішняга Пружанскага павета Палескага ваяводства ІІ Рэчы Паспалітай. Адміністрацыйны цэнтр — гарадскі пасёлак Шарашова. 12 кастрычніка 1940 года раён падзелены на 10 сельсаветаў:

У часы ІІ сусветнай вайны, у 1941—1944 гадах, тэрыторыя раёна знаходзілася пад нямецкай акупацыяй.

Паводле польска-савецкай дамовы, з 16 жніўня 1945 года новая мяжа паміж дзяржавамі праходзіла праз тэрыторыю Шарашоўскага раёна, што рабіла яго памежным. Неўзабаве перад дэмаркацыяй мяжы, улады раёна дзейнічалі на карысць уключэння ў яго склад часткі тэрыторыі прызнанай за Польшчай. Аргументавалі тым, што напрыклад далучэнне да Беларускай ССР чыгуначнага вузла Гайнаўка дае магчымасць мець чыгуначную сетку Брэст-Гродна. Аднак гэтыя просьбы не былі задаволеныя. У выніку работы змяшанай польска-савецкай камісіі мяжа была скарэктавана на карысць Польшчы, да якой з Шарашоўскага і Бераставіцкага раёнаў было аднесена 40 населеных пунктаў. Названыя населеныя пункты налічвалі разам 1414 двароў (798 польскіх і 616 беларускіх), дзе жыло 7143 асоб. Усе беларускія гаспадаркі былі выселеныя ўглыб Беларускай ССР з-за іх знаходжання ў 800-метровай памежнай паласе^[2].

16 ліпеня 1954 года скасаваны Котранскі, Мураўскі, Ялоўскі сельсаветы, утвораны Бакунскі сельсавет^[3]. 17 снежня 1956 года раён быў ліквідаваны, а гарадскі пасёлак Шарашова і ўсе сельсаветы, якія ўваходзілі ў склад раёна, былі ўключаныя ў склад Пружанскага раёна^[4].

Зноскі

↑ Энцыклапедыя.... — С. 197.
↑ Лінія Керзана — апошні тэрытарыяльны падзел Беларусі // На раздарожжы.... — 39-40 с.
↑ Указ Президиума Верховного Совета Белорусской ССР от 16 июля 1954 г. Об объединении сельских советов Брестской области // Сборник законов Белорусской ССР и указов Президиума Верховного Совета Белорусской ССР: 1938—1955 гг. — Мн.: Изд. Президиума Верхов. Совета БССР, 1956. — 347 с.
↑ Указ Прэзідыума Вярхоўнага Савета БССР Аб ліквідацыі некаторых раёнаў Беларускай ССР ад 17 снежня 1956 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1956, № 12.

Літаратура[правіць | правіць зыходнік]

Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
пад рэд. Генадзя Пашкова. Энцыклапедыя гісторыі Беларусі ў 6 тамах. — Мінск: «Беларуская энцыклапедыя» імя Петруся Броўкі, 2003. — Т. 6 Кніга 2. — 616 с. — ISBN 985-11-0276-8.
Анатоль Вялікі. На раздарожжы. Беларусы і палякі ў час перасялення 1944-1946. — Мінск: Нацыянальны архіў Рэспублікі Беларусь, 2004. — 232 с. — ISBN 985-435-915-8.

[a-1] Энцыклапедыя.... — С. 197.

[2] Лінія Керзана — апошні тэрытарыяльны падзел Беларусі // На раздарожжы.... — 39-40 с.

[3] Указ Президиума Верховного Совета Белорусской ССР от 16 июля 1954 г. Об объединении сельских советов Брестской области // Сборник законов Белорусской ССР и указов Президиума Верховного Совета Белорусской ССР: 1938—1955 гг. — Мн.: Изд. Президиума Верхов. Совета БССР, 1956. — 347 с.

[4] Указ Прэзідыума Вярхоўнага Савета БССР Аб ліквідацыі некаторых раёнаў Беларускай ССР ад 17 снежня 1956 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1956, № 12.

[1]

[2]

[3]

[4]