CODA: Дзіця глухіх бацькоў

CODA: Дзіця глухіх бацькоў
CODA: Дзіця глухіх бацькоў;
	англ.: CODA
Жанр	камедыйная драма[d] і музычны фільм[d]
Рэжысёр	Шан Хейдэр[d];
Прадзюсар	Philippe Rousselet[d]; Patrick Wachsberger[d];
Сцэнарыст	Шан Хейдэр[d];
У галоўных; ролях	Марлі Мэтлін; Трой Кацур; Daniel Durant[d]; Emilia Jones[d]; Eugenio Derbez[d]; Ferdia Walsh-Peelo[d]; Amy Forsyth[d]; Kevin Chapman[d]; Anilee List[d];
Аператар	Paula Huidobro[d];
Кампазітар	Marius de Vries[d];
Кінакампанія	Pathé
Працягласць	111 хв.
Бюджэт	10 000 000 $
Зборы	1 100 000 $
Краіна	ЗША; Францыя; Канада;
Мова	амслен[d] і англійская
Год	28 студзеня 2021 і 13 жніўня 2021
IMDb	ID 10366460
Афіцыйны сайт
	Медыяфайлы на Вікісховішчы

«CODA» або «CODA: Дзіця глухіх бацькоў» (англ.: CODA) — камедыйна-драматычны фільм 2021 года, англамоўны рэмейк французскай кінастужкі «Сямейства Белье^[en]» (2014). Рэжысёрам і аўтарам адаптаванага сцэнарыя выступіла Шан Хейдэр^[en]. Эмілія Джонс^[en] выканала ролю Рубі, так званай CODA^[en] (англ.: child of deaf adult, бел.: дзіця глухіх бацькоў), адзінага чуючага члена сям’і, якая з усіх сіл стараецца збалансаваць сваё жыццё, адначасова дапамагаючы сямейнаму рыбалоўнаму бізнесу і развіваючы свой пеўчы талент.

Таксама ў фільме сыгралі Эўхеніё Дэрбіс^[en], Трой Кацур, Фердзія Уолш-Піла^[en], Дэніэл Дзюран^[en] і Марлі Мэтлін. Кінастужка стала вынікам сумеснай вытворчасці ЗША, Францыі і Канады, а рэжысёр арыгінальнага «Сямейства Белье» Філіп Руселе выступіў у якасці прадзюсара рэмейка. Здымкі фільма прайшлі ў Глостэры, штат Масачусетс^[en].

Сусветная прэм’ера «CODA» адбылася 28 студзеня 2021 года на кінафестывалі «Сандэнс». Apple набыла правы на дыстрыбуцыю стужкі за рэкордныя для фестывалю $25 млн. «CODA» адначасова выйшла ў пракат і дэбютавала на стрымінг-сэрвісе Apple TV+ 13 жніўня 2021 года. Фільм атрымаў усеагульнае прызнанне крытыкаў і быў названы Амерыканскім інстытутам кінамастацтва адным з 10 найлепшых фільмаў 2021 года. Стужка атрымала тры прэміі «Оскар», у тым ліку за «Найлепшы фільм». Такім чынам фільм стаў першым пераможцам у гэтай катэгорыі, галоўныя ролі ў якім пераважна сыгралі глухія/слаба чуючыя акцёры (Кацур, Мэтлін і Дзюран).

Сюжэт[правіць | правіць зыходнік]

У Глостэры, штат Масачусетс, жыве Рубі — адзіны чуючы член сям’і Росі; яе бацькі Фрэнк і Джэкі і старэйшы брат Леа глухія. Рубі дапамагае ў сямейным рыбалоўным бізнесе і плануе перайсці на поўны працоўны дзень пасля заканчэння сярэдняй школы. З-за сваёй сям’і Рубі — ізгой у школе. Калі яна заўважае, што хлопец Майлз, у якога яна таемна закаханая, запісваецца ў школьны хор, Рубі імпульсіўна робіць тое ж самае. Хорам кіруе Бернарда «містэр Ві» Вільялобас, які на першым занятку прапануе вучням праспяваць «Happy Birthday to You» для вызначэння вышыні іх галасоў. Сутыкнуўшыся з неабходнасцю спяваць перад класам, Рубі ўпадае ў паніку і ўцякае. Пазней яна вяртаецца да містэра Ві і тлумачыць, што ў дзяцінстве з яе здзекаваліся за тое, што яна смешна размаўляла. Містэр Ві прымае Рубі назад у хор, кажучы ёй, што тут ёсць месца для ўсіх відаў галасоў. Пазней ён разумее, што ў Рубі цудоўны голас.

Містэр Ві злучае Рубі і Майлза ў дуэт для маючага неўзабаве адбыцца школьнага канцэрта. Містэр Ві незадаволены іх падрыхтоўкай і настойвае на іх сумеснай практыцы. Рубі запрашае Майлза да сябе дадому, але іх рэпетыцыю перарываюць Фрэнк і Джэкі, якія гучна займаюцца сексам у суседнім пакоі. Пазней Рубі чуе, як аднакласнікі ў школьнай сталоўцы насміхаюцца за яе спіной над тым, што адбылося. Майлз просіць прабачэння і кажа Рубі, што распавёў толькі свайму сябру Джэю, які, у сваю чаргу, распавёў усёй школе. Рубі выходзіць з сябе, але праз нейкі час даруе Майлзу, і яны аднаўляюць сваю практыку, адначасова наладжваючы асабістыя адносіны.

Тым часам Фрэнк і Леа з цяжкасцю зводзяць канцы з канцамі ў рыбалоўным бізнесе, паколькі мясцовая рада ўводзіць новыя зборы і штрафы. На пасяджэнні праўлення Фрэнк аб’яўляе, што адкрывае ўласную кампанію, каб абыйсці новыя абмежаванні і самастойна прадаваць сваю рыбу, запрашаючы іншых мясцовых рыбакоў далучыцца. Сям’я з усіх сіл спрабуе зрушыць бізнес з мёртвай кропкі, разлічваючы на тое, што Рубі будзе мець зносіны з людзьмі і распаўсюджваць інфармацыю. Містэр Ві прапануе Рубі прыватныя заняткі для паступлення ў Музычны каледж Берклі. Дзяўчына згаджаецца, але, усё больш уцягваючыся ў рыбны бізнес, яна пачынае спазняцца на ўрокі і апраўдвацца. Містэра Ві адчытвае Рубі за тое, што яна марнуе яго час, і адмяняе заняткі.

Засмучаная Рубі адмаўляецца дапамагаць у бізнесе. Падчас аднаго з выхадаў у мора лодку Фрэнка і Леа перахоплівае берагавая ахова, бо яны не адказвалі на карабельныя гудкі і радыёсігналы. Сям’і даводзіцца выплаціць штраф; каб вярнуць ліцэнзію на рыбную лоўлю, ім неабходна наняць сурдаперакладчыка, які будзе ўвесь час знаходзіцца на борце. Рубі вырашае адмовіцца ад Берклі і перайсці ў сямейны бізнес на поўны працоўны дзень. Бацькі падтрымліваюць яе рашэнне, але Леа адштурхоўвае яе, настойваючы, што яны змогуць зладзіцца са сваімі праблемамі без дапамогі Рубі.

Сям’я Росі прыходзіць на школьны канцэрт Рубі. Хоць яны не могуць чуць тое, як яна спявае, яны заўважаюць натхняльную рэакцыю слухачоў. Увечары Фрэнк просіць Рубі праспяваць для яго песню, ён дакранаецца да яе горла і прыслухоўваецца да вібрацыі яе галасавых звязкаў. На наступную раніцу ўся сям’я едзе з Рубі ў Бостан на яе праслухоўванне ў Берклі. Сям’ю не пускаюць у залу для праслухоўванняў, але яны ўсё роўна пракрадваюцца на балкон, каб паглядзець на выступ Рубі. Дзяўчына нервуецца, але ўбачыўшы бацькоў і брата, набывае ўпэўненасць. Разам са спевам Рубі пачынае паказваць тэкст песні моваю жэстаў, каб яе сям’я змагла зразумець, пра што яна спявае.

Праз некаторы час Рубі паступае ў Берклі; яна дзеліцца з усімі навіной і просіць Майлза наведаць яе як-небудзь у Бостане. Тым часам, чуючыя калегі сям’і Росі па рыбалоўным бізнесе вывучаюць мову жэстаў, маючы зносіны з Росі і дапамагаючы ім разумець навакольных. Герці, сяброўка Рубі, адвозіць Рубі ў Бостан. Падчас развітання Рубі паказвае сваёй сям’і жэст «Я сапраўды люблю вас».

Акцёрскі склад[правіць | правіць зыходнік]

Эмілія Джонс^[en]	– Рубі Росі
Трой Кацур	– Фрэнк Росі, бацька Рубі
Марлі Мэтлін	– Джэкі Росі, маці Рубі
Дэніэл Дзюран^[en]	– Леа Росі, брат Рубі
Эўхеніё Дэрбіс^[en]	– Бернарда «містэр Ві» Вільялобас, дырыжор школьнага хору
Фердзія Уолш-Піла^[en]	– Майлз, любоўны інтарэс Рубі
Эмі Форсайт^[en]	– Герці, найлепшая сяброўка Рубі
Кевін Чэпмен^[en]	– Брэдзі
Джон Фіорэ	– Тоні Сальгада
Лоні Фармер	– Артур

Зноскі[правіць | правіць зыходнік]

↑ https://web.archive.org/web/20211105113948/https://www.hollywoodreporter.com/movies/movie-news/berlin-2021-coda-apple-streamers-4140191/

[_371e63e2918e6a9a-1] ttps://web.archive.org/web/20211105113948/https://www.hollywoodreporter.com/movies/movie-news/berlin-2021-coda-apple-streamers-4140191/

[1]

Фота, відэа і аўдыё	Instagram
Тэматычныя сайты	AllMovie · AlloCiné · Česko-Slovenská filmová databáze · FilmAffinity · Internet Movie Database · Metacritic · Rotten Tomatoes

Прэмія «Оскар» за найлепшы фільм
1927—1950	Крылы (1927/28) • Брадвейская мелодыя (1929) • На заходнім фронце без перамен (1930) • Сімарон (1931) • Гранд-атэль (1932) • Кавалькада (1933) • Гэта здарылася аднойчы ноччу (1934) • Мяцеж на «Баўнці» (1935) • Вялікі Зігфелд (1936) • Жыццё Эміля Заля (1937) • З сабой не панясеш (1938) • Знесеныя ветрам (1939) • Рэбека (1940) • Якой зялёнай была мая даліна (1941) • Місіс Мінівер (1942) • Касабланка (1943) • Ісці сваім шляхам (1944) • Страчаны ўікэнд (1945) • Найлепшыя гады нашага жыцця (1946) • Джэнтльменскае пагадненне (1947) • Гамлет (1948) • Уся каралеўская раць (1949) • Усё пра Еву (1950)
1951—1975	Амерыканец у Парыжы (1951) • Найвялікшае шоу свету (1952) • З гэтага часу і назаўжды (1953) • У порце (1954) • Марці (1955) • Вакол свету за 80 дзён (1956) • Мост праз раку Квай (1957) • Жыжы (1958) • Бен-Гур (1959) • Кватэра (1960) • Вестсайдская гісторыя (1961) • Лоўрэнс Аравійскі (1962) • Том Джонс (1963) • Мая цудоўная лэдзі (1964) • Гукі музыкі (1965) • Чалавек на ўсе часы (1966) • Душнай паўднёвай ноччу (1967) • Олівер! (1968) • Паўночны каўбой (1969) • Патан (1970) • Французскі сувязны (1971) • Хросны бацька (1972) • Афёра (1973) • Хросны бацька 2 (1974) • Пралятаючы па-над гняздом зязюлі (1975)
1976—2000	Рокі (1976) • Эні Хол (1977) • Паляўнічы на аленяў (1978) • Крамер супраць Крамера (1979) • Звычайныя людзі (1980) • Вогненныя калясніцы (1981) • Гандзі (1982) • Мова пяшчоты (1983) • Амадэй (1984) • З Афрыкі (1985) • Узвод (1986) • Апошні імператар (1987) • Чалавек дажджу (1988) • Шафёр міс Дэйзі (1989) • Танцуючы з ваўкамі (1990) • Маўчанне ягнят (1991) • Недараваны (1992) • Спіс Шындлера (1993) • Форэст Гамп (1994) • Храбрае сэрца (1995) • Англійскі пацыент (1996) • Тытанік (1997) • Закаханы Шэкспір (1998) • Прыгажосць па-амерыканску (1999) • Гладыятар (2000)
2001—2025	Гульні розуму (2001) • Чыкага (2002) • Уладар пярсцёнкаў: Вяртанне караля (2003) • Малышка на мільён (2004) • Сутыкненне (2005) • Адступнікі (2006) • Старым тут не месца (2007) • Мільянер з трушчоб (2008) • Уладар буры (2009) • Прамова караля (2010) • Артыст (2011) • Аперацыя «Арго» (2012) • 12 гадоў рабства (2013) • Бёрдмэн (2014) • У цэнтры ўвагі (2015) • Месяцавае святло (2016) • Форма вады (2017) • Зялёная кніга (2018) • Паразіты (2019) • Зямля качэўнікаў (2020) • CODA: Дзіця глухіх бацькоў (2021) • Усё ўсюды і адразу (2022) • Опенгеймер (2023)