Carcharodus alceae

Carcharodus alceae
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Навакрылыя насякомыя Надатрад:  Насякомыя з поўным метамарфозам Атрад:  Матылі Падатрад:  Glossata Надсямейства:  Papilionoidea Серыя:  Hesperiiformes Сямейства:  Тоўстагалоўкі Падсямейства:  Pyrginae Трыба:  Carcharodini Род:  Carcharodus Від:  Carcharodus alceae
Міжнародная навуковая назва
Carcharodus alceae (Esper, 1780)
Сінонімы
Papilio alceae Esper, 1780 Spilothyrus malvarum Becker, 1869
Падвіды
Carcharodus alceae alceae (Esper, 1780) Carcharodus alceae wissmanni Warnecke, 1934
Выявы на Вікісховішчы NCBI   509358

Carcharodus alceae — від дзённых матылькоў з сямейства тоўстагаловак (Hesperiidae). Навуковая відавая назва гэтага матыля («alceae») — гэта родавая назва роду Alcea у родным склоне. Расліна, у сваю чаргу, названа так у гонар старажытнагрэчаскага паэта Алцэя (Алкея).

Распаўсюджанне

Від распаўсюджаны ў Паўднёвай і Цэнтральнай Еўропе, Паўночнай Афрыцы (ад Марока на ўсход да Туніса і Лівіі), на Блізкім усходзе, у Малой Азіі, на Каўказе, у Закаўказзі, Сярэдняй і Цэнтральнай Азіі, заходніх Гімалаях і на поўдні Заходняй Сібіры. Існуюць ізаляваныя папуляцыі віду на Сінайскім паўвостраве і ў Емене (C. a. wissmanni).

Знешні выгляд

Даўжыня пярэдняга крыла 12-16 мм. Зверху пярэднія крылы карычневыя, з незразумелым малюнкам і шасцю-сям’ю дробнымі празрыстымі ўчасткамі; у самцоў пярэднія крылы знізу без пухнатага андраканіяльнага поля.

Экалогія

Сустрэць гэтых матылькоў можна на заліўных лугах, горных схілах з участкамі стэпавай расліннасці і зараснікамі кустоў, на ўзлесках лясоў і ў садах, дзе растуць мальвавыя.

Кармавымі раслінамі гусеніц з’яўляюцца мальва (Malva) (Malva moschata, Malva neglecta, Malva sylvestris), Malvella sherardiana, Alcea (Alcea rosea, Alcea setosa), Althea, хацьма (Lavatera) (хацьма турынгенская (Lavatera thuringiaca)), гібіскус (Hibiscus), абутылон (Abutilon). Матылі кормяцца на кветках раслін, такіх як канюшына (Trifolium).

Размнажэнне

Падчас шлюбнага палёту самец імкнецца размясціцца пад самкай. Самкі могуць адкладаць яйкі зверху і на адваротным баку ліста раслін з сямейства мальвавых (Malvaceae), на якіх вылупленыя з яек вусені будуць харчавацца. На ліст адкладаецца па адным яйку.

Развіццё вусеняў працякае ў хованках, якія яны згортваюць з ліста, змацоўваючы іх з дапамогай шаўкавіны. Пасля кожнай лінькі хованка будуецца нанова. Вусені зіму праводзяць у такіх самых згорнутых з лісця хованках.

Галерэя

• 
  Яйка
• 
  Малады вусень
• 
  Вусень
• 
  Сховішча гусеніцы ў згорнутым лісце
• 
  Спінны бок
• 
  Брушны бок

Спасылкі

• В. П. Волкова. Carcharodus alceae (Esper, 1780) Толстоголовка лосиная (фотографии) (руск.)(недаступная спасылка). Дневные (булавоусые) бабочки Московской области (sungaya.narod.ru) (24 красавіка 2003). Архівавана з першакрыніцы 28 жніўня 2017. Праверана 13 ліпеня 2011.
• Информация о виде и фотогалерея. (англ.)(недаступная спасылка). A website dedicated to European Butterflies (eurobutterflies.com). Архівавана з першакрыніцы 19 сакавіка 2012. Праверана 13 ліпеня 2011.
• Mallow Skipper Carcharodus alceae Esper, 1780 Ref: 1533 (англ.)(недаступная спасылка). UK Butterflies (ukbutterflies.co.uk). Архівавана з першакрыніцы 4 кастрычніка 2012. Праверана 13 ліпеня 2011.