Крыніца (бровар)
| Крыніца | |
|---|---|
 | |
| Тып | Адкрытае акцыянернае таварыства |
| Заснаванне | 1975 |
| Размяшчэнне |
 Беларусь, Мінск, вул. Радыяльная, 52 |
| Ключавыя постаці | генеральны дырэктар Аляксандр Яўгенавіч Кіжук |
| Галіна | Харчовая прамысловасць |
| Прадукцыя | Піва, квас, безалкагольныя і слабаалкагольныя напоі |
| Доўг | 34,5 млн BYN |
| Абарот | 528,8 млрд. BYN |
| Чысты прыбытак | ▲38 тыс. BYN[1] |
| Матчына кампанія | Белдзяржхарчпрам |
| Сайт | krinitsa.by |
ААТ «Крыніца» — найбуйнейшы беларускі бровар, які ўваходзіць у канцэрн «Белдзяржхарчпрам».
Гісторыя
«Крыніца», раней вядомае як Мінскі піваварны завод №2, пачала сваю дзейнасць у 1975 г. Тады былі ўведзеныя ў эксплуатацыю асноўныя вытворчыя цэхі: соладавенны, варачны, брадзільна-лагерны, і зварана першае піва «Крыніца»[2].
У 1992 г. вытворчае аб’яднанне «Крыніца» становіцца арэндным прадпрыемствам, якое ў 2001 г. пераўтворана ў адкрытае акцыянернае таварыства.
У 2001 г. Прэзідэнт А. Лукашэнка і прэзідэнт піваварнай кампаніі «Балтыка» Таймураз Балоеў дамаўляюцца аб інвестыцыях у «Крыніцу». «Балтыка» была гатовая за два гады падвоіць магутнасці беларускага прадпрыемства, уклаўшы ў яго 50 млн долараў. Расійскія інвестары разлічвалі праз дадэмісію атрымаць кантрольны пакет акцый. За год «Балтыка» паспела пад гарантыі ўрада ўкласці ў «Крыніцу» 10,5 млн долараў. Беларускі бок не спяшалася аддаваць кантрольны пакет, прапаноўваючы паэтапную схему перадачы акцый і дадаючы «некамерцыйныя» абцяжарання, накшталт будаўніцтва лядовай арэны на «Трактары». Грунтоўна абнавіўшы вытворчасць, «Балтыка» у 2002 г. згарнула рэканструкцыю і падала пазоў у Міжнародны камерцыйны арбітражны суд пры Гандлёва-прамысловай палаце Расійскай Федэрацыі, які вынес 5 рашэнняў на карысць істца і абавязаў выплаціць пазыку ў памеры больш за 10 млн долараў[3][4].
У перыяд з 2003 па 2008 гг. дзяржаўны пакет (84,5%) акцый у «Крыніцы», знаходзіўся ў даверным кіраванні ААТ «Пріорбанк».
З 2006 да 2012 гг. у склад прадпрыемства на правах філіяла ўваходзіла ААТ «Полоцкое пиво».
Вясной 2017 г. Еўрапейскі банк рэканструкцыі і развіцця (ЕБРР) пачаў перадпрыватызацыйную падрыхтоўку піўзаводаБровар «Крыніца» рыхтуюць да прыватызацыі[5].
Зноскі
- ↑ Гадавая справаздача за 2016 г. (руск.)
- ↑ Гісторыя і традыцыі
- ↑ Самые громкие «разводы» Беларуси с инвесторами (руск.). TUT.BY (11 лютага 2018). Праверана 11 лютага 2018.
- ↑ Міжнародны арбітражны суд абавязаў менскі бровар «Крыніца» вярнуць расейскай «Балтыцы» 3,5 мільёна даляраў. Радыё Свабода (2 верасня 2004). Праверана 11 лютага 2018.
- ↑ Бровар «Крыніца» рыхтуюць да прыватызацыі. Наша Ніва (23 красавіка 2017). Праверана 11 лютага 2018.