Вадзім Андрэевіч Жучкевіч

Вадзім Андрэевіч Жучкевіч
Дата нараджэння	19 лістапада 1915(1915-11-19)
Месца нараджэння	Лоеў, Лоеўская воласць, Рэчыцкі павет, Мінская губерня, Расійская імперыя
Дата смерці	28 лютага 1985(1985-02-28) (69 гадоў)
Грамадзянства	Расійская імперыя  СССР
Род дзейнасці	географ
Навуковая сфера	геаграфія, тапаніміка
Месца працы	БДУ
Навуковая ступень	Доктар геаграфічных навук
Навуковае званне	Прафесар
Альма-матар	БДПУ
Вядомы як	найбуйнейшы тапаніміст і беларусавед
Партыя	КПСС
Член у	Беларускае геаграфічнае таварыства
Узнагароды	Медаль «За ўзяцце Берліна» Медаль «За доблесную працу ў Вялікай Айчыннай вайне 1941-1945 гг.»

Вадзім Андрэевіч Жучке́віч (19 лістапада 1915, г.п. Лоеў, Гомельская вобласць — 28 лютага 1985) — беларускі вучоны-географ. Доктар геаграфічных навук (1971), прафесар (1972). Заслужаны работнік вышэйшай школы БССР (1977). Удзельнік Вялікай Айчыннай вайны.

Біяграфія

У 1930 годзе скончыў сямігадовую школу, у 1932 годзе ПТВ. У 1932—1935 гг. працаваў на фабрыцы і вучыўся на рабфаку. Скончыў Мінскі педагагічны інстытут у 1939 годзе. Працаваў ва ўстановах асветы ва Усходне-Казахастанскай вобласці і Алтайскім краі. У 1940 годзе паступіў у аспірантуру Маскоўскага дзяржаўнага ўніверсітэта. У час Вялікай Айчыннай вайны ў 1944—1945 гг. на фронце. У 1948 годзе скончыў завочную аспірантуру МДУ. З 1962 года выкладаў у Беларускім дзяржаўным універсітэце, з 1964 года дацэнт, з 1976 года загадчык кафедры фізічнай геаграфіі мацерыкоў і акіянаў геаграфічнага факультэта.

Навуковая дзейнасць

Займаўся тапанімікай, эканамічнай геаграфіяй. Аўтар «Кароткага тапанімічнага слоўніка Беларусі» (1974), падручнікаў для школ.

Літаратура

• Жучкевіч Вадзім Андрэевіч // Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — 576 с. — 10 000 экз. — ISBN 985-11-0035-8. — ISBN 985-11-0106-0 (т. 6). — С. 453.
• Жучкевіч Вадзім Андрэевіч // Беларусь: Энцыкл. даведнік / Беларуская энцыклапедыя; Рэдкал. Б. І. Сачанка (гал. рэд.) і інш.. — Мн.: БелЭн, 1995. — С. 309. — 800 с. — 5 000 экз. — ISBN 985-11-0026-9.

Спасылкі

• идей профессора В. А. Жучкевича в системе географического образования и топонимических исследованиях Беларуси.pdf Развитие идей профессора В. А. Жучкевича в системе географического образования и топонимических исследованиях Беларуси (к 100-летию со дня рождения) (руск.)