Уладзімір Аляксандравіч Ганскі

Уладзімір Аляксандравіч Ганскі
Дата нараджэння	2 снежня 1986(1986-12-02) (37 гадоў)
Месца нараджэння	Наваполацк
Грамадзянства	Беларусь
Род дзейнасці	навуковец, выкладчык універсітэта
Навуковая сфера	эканоміка, гісторыя
Месца працы	Полацкі дзяржаўны ўніверсітэт імя Ефрасінні Полацкай Інстытут прадпрымальніцкай дзейнасці Вышэйшая школа турызму і гатэльнай справы ў Гданьску
Навуковая ступень	доктар эканамічных навук (2021) і кандыдат гістарычных навук (2020)
Навуковае званне	дацэнт
Альма-матар	Полацкі дзяржаўны ўніверсітэт
Навуковы кіраўнік	Марыя Ігараўна Фляйчук і Ірына Іванаўна Калачова

Уладзімір Аляксандравіч Ганскі (2 снежня 1986, г. Наваполацк Віцебскай вобл.) — беларускі эканаміст, гісторык, краязнавец, кандыдат эканамічных навук.

Біяграфічныя звесткі

Нарадзіўся ў Наваполацку, пэўны час жыў у Верхнядзвінску. Скончыў гісторыка-філалагічны факультэт Полацкага дзяржаўнага ўніверсітэта, атрымаўшы кваліфікацыю гісторыка, выкладчыка гісторыі і сацыяльна-гуманітарных дысцыплін. Паралельна атрымаў кваліфікацыю эканаміста-менеджэра. Дысертацыю на суісканне вучонай ступені кандыдата эканамічных навук па спецыяльнасці "Эканоміка і кіраванне нацыянальнай гаспадаркай" абараніў у 2015 годзе у Львоўскім гандлёва-эканамічным універсітэце. Тэма дысертацыі: "Механізм функцыянавання нацыянальнага рынку турыстычных паслуг (на прыкладзе Рэспублікі Беларусь)". У розны час выкладаў на спартыўна-педагагічным і фінансава-эканамічным факультэтах Полацкага дзяржаўнага ўніверсітэта, у Беларускай дзяржаўнай акадэміі сувязі, на факультэце эканомікі і бізнесу Інстытута прадпрымальніцкай дзейнасці і інш. Стажыраваўся ў вышэйшых навучальных установах і навуковых арганізацыях у Чэхіі, Польшчы, Літве і інш.

Навуковая дзейнасць

Вядомы як турызмолаг, займаецца пытаннямі тэорыі, гісторыі, эканомікі і арганізацыі турызму, пытаннямі кіравання, камерцыялізацыі і выкарыстання ў гаспадарчай дзейнасці аб'ектаў гісторыка-культурнай спадчыны, устойлівага развіцця. Займаецца краязнаўчым вывучэннем паўночнай і паўночна-заходняй Беларусі, пытаннямі трансгранічнага супрацоўніцтва, кластарызацыі, міжнародных бізнес-камунікацый і інш.

Аўтар каля 200 навуковых публікацый, у тым ліку больш за 10 манаграфій, вучэбна-метадычных выданняў, артыкулаў у беларускіх і замежных навуковых часопісах, выданнях індэксаваных у базе Web of Science і інш. Арганізатар і суарганізатар шматлікіх міжнародных навуковых і навукова-практычных канферэнцый, прысвечаных пытанням эканомікі, устойлівага развіцця, гісторыі, культурнай спадчыны, краязнаўства і інш.

Узнагароды

• прэмія Наваполацкага гарадскога выканаўчага камітэта ў галіне інавацый і навуковай дзейнасці (2016)
• грамата Полацкага дзяржаўнага ўніверсітэта (2014)
• прэмія Віцебскага абласнога выканаўчага камітэта таленавітым маладым навукоўцам (2013)
• прэмія Пасольства Рэспублікі Польшча ў Мінску за лепшую навуковую працу, прысвечаную польскай праблематыцы (2009)

Бібліяграфія

• Мировой рынок туристических услуг: интеграция Беларуси в глобальное туристическое пространство / В.А. Ганский. – Новополоцк, 2014.
• Туризм в Западной Беларуси (1921-1939 гг.) / В.А. Ганский. - Даугавпилс, 2017.
• Бизнес и предпринимательство в условиях современной экономики: организационные, управленческие и финансовые аспекты устойчивого развития / под науч. ред. В.А. Ганского, В.Л. Цыбовского. - Минск, 2018.
• International economic relations and prospects for national development: contemporary challenges and solutions / ed. by M. Fleychuk, U. Ganski [et al.]. - Daugavpils, 2018.
• Управление бизнесом и предпринимательская деятельность в новых условиях научно-технологического развития / под ред. В.Л. Цыбовского, В.А. Ганского. - Минск, 2019.
• The balanced development of national economy under the conditions of modern world transformations / ed. by M. Fleychuk, U. Ganski [et al.]. - Daugavpils, 2019.