Геранім Юр’евіч Хадкевіч

Геранім Хадкевіч
Геранім Хадкевіч. Невядомы мастак, XVII ст.
Герб «Касцеша»
Кашталян віленскі 1595 — 1617
Папярэднік	Павел Пац
Пераемнік	Януш Радзівіл
Нараджэнне	каля 1560
Смерць	29 жніўня 1617(1617-08-29) Крэмэнэць, Крамянецкі павет[d], Валынскае ваяводства, Малапольская правінцыя, Карона Каралеўства Польскага, Рэч Паспалітая
Месца пахавання	Брэст
Род	Хадкевічы
Бацька	Юрый Хадкевіч
Маці	Соф'я з Алелькавічаў
Жонка	Багдана з Палубінскіх Ганна з Тарлаў Дарота з Рэяў Соф'я з Карбачова
Дзеці	Соф'я, Ян Геранім, Крыштаф, Альжбета, Ганна, Барбара, Крысціна
Дзейнасць	палітык
Медыяфайлы на Вікісховішчы

Геранім Хадкевіч (1560—1617) — дзяржаўны і ваенны дзеяч Вялікага Княства Літоўскага. Канюшы вялікі літоўскі (1588—1593), ваявода мсціслаўскі (1593—1595), кашталян віленскі і староста берасцейскі (з 1595).

Біяграфія

Паходзіў з магнацкага роду Хадкевічаў герба «Касцеша», сын Юрыя, заснавальніка малодшай галіны роду, і Соф'і з Алелькавічаў.

Удзельнічаў у войнах з Маскоўскай дзяржавай і Швецыяй. Падчас рокашу Зебжыдоўскага (1606—1609) забяспечыў каралю і вялікаму князю Жыгімонту Вазе падтрымку ў Вялікім Княстве Літоўскім.

Быў чатыры раз жанаты. Жонкі:

• Багдана Аляксандра з Палубінскіх (шлюб каля 1582, дачка — Соф'я)
• Ганна з Тарлаў (да 1594, сыны Ян Геранім і Крыштаф, дачкі Альжбета, Ганна, Барбара і Крысціна)
• Дарота з Рэяў (у пачатку XVII ст.)
• Соф'я з Карбачова (з 1613)

Пахавалі Гераніма Хадкевіча ў Берасці.

Літаратура

• Грыцкевіч А. Хадкевічы // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 710. — 792 с. — ISBN 985-11-0378-0 (т. 2), ISBN 985-11-0315-2.