Ордэн Пагоні

Ордэн Пагоні
Ордэн Пагоні
	Апісанне ўзнагароды
Краіна	Беларуская Народная Рэспубліка
Тып	ордэн
Каму ўручаецца	вайскоўцам і простым грамадзянам
Кім уручаецца	Прэзідэнт БНР
Падставы ўзнагароджання	змаганне за незалежнасць Беларусі і на яе карысць
Дата заснавання	1 верасня 1949 года
Статус	уручаецца
Першае	7 чэрвеня 1950 года
Малодшая	Ордэн Жалезнага рыцара

Дагледжаная версія гэтай старонкі, зацверджаная 1 ліпеня 2020, была заснавана на гэтай версіі.

Ордэн Пагоні — найвышэйшая ўзнагарода Рады БНР.

Гісторыя

Ордэн Пагоні зацверджаны 1 верасня 1949 года дэкрэтам прэзідэнта Рады БНР Міколы Абрамчыка. 7 чэрвеня 1950 года быў выдадзены дэкрэт, паводле якога, узнагароджваліся:

Маёр «Ноч» (Міхал Вітушка) — Ордэнам Пагоні 1-й ступені.
Усе Сябры Галоўнага Штаба партызанаў — Ордэнам Пагоні 2-й ступені.
Надлейтэнант «Саха» — Ордэнам Пагоні 2-й ступені.
Маёр «Маланка» — Ордэнам Пагоні 2-й ступені.
Маёр «Дуб» — Ордэнам Пагоні 2-й ступені.
Камандзіры адмысловых аддзелаў СВС і «Чорнага Ката» — Ордэнам Пагоні 2-й ступені.

Статут ўзнагароды быў зацверджаны Міколам Абрамчыкам і пачаў дзейнічаць з 5 жніўня 1951 года.

Аднак пакуль не вядома, ці была вырабленая гэтая ўзнагарода, ці яна засталася толькі праектам. У беларускай газеце «Бацькаўшчына», якая выдавалася ў Мюнхене, у нумары за 24 лютага 1952 года быў пададзены толькі малюнак медаля, а таксама статут. У гэтай публікацыі былі таксама і іншыя ўзнагароды БНР. Была створаная «Капітула ордэну Пагоні» на чале з прэзідэнтам Рады БНР, які і надаваў ордэн асобным дэкрэтам.

Падставы для ўзнагароджвання

Ордэн Пагоні быў створаны «з мэтаю ўзнагароджваньня выдатных цывільных ці вайсковых заслугаў у часе вайны ці міру, зробленых для славы і на карысьць Беларускага Народу». Гэтая ўзнагарода была «найвышэйшым ганаровым адзначэньнем Беларускага Народу» і надавалася «асобам, якія выдатна спрычыніліся да здабыцьця незалежнасьці, задзіночаньня ўсіх беларускіх земляў, або да ўзмацаваньня незалежнасьці і росквіту беларускай дзяржавы». Былі ўстаноўленыя Вялікі Крыж ордэна Пагоні, Залаты Крыж ордэна Пагоні і Сярэбраны Крыж ордэна Пагоні. Ордэн Пагоні падзяляўся, меркавалася стварыць пяць ступеняў^[1]^[2], але ў дэкрэце Міколы Абрамчыка згадваліся толькі тры^[3]. Кандыдатаў на атрыманне ордэна мусіла вызначаць Капітула, а ганараваць — уласна Прэзыдэнт сваім дэкрэтам.

Апісанне

Выконваецца з золата ці срэбра, прывешваецца на стужцы нацыянальных колераў. Крыж Ордэна Пагоні васьміканцовы, пакрыты эмаліяй, берагі залатыя ці срэбныя. На сярэдзіне крыжа залатая ці сярэбраная Пагоня. Адваротная старана гладкая, з выбітым парадкавым нумарам ордэна. Зорка Ордэна Пагоні сярэбраная, складаецца з 8 пукоў праменняў. На сярэдзіне зоркі ўмешчаны крыж ордэна.Паводле Ц. Мазэрыца, на шырокіх прамянях крыжа былі літары БНР, а на цэнтральным верхнім промні пазначаная ступень^[4].

Ступені

Ордэн Пагоні 1-й ступені
Ордэн Пагоні 2-й ступені
Ордэн Пагоні 3-й ступені

Велічыні

Вялікі Крыж ордэна Пагоні
Залаты Крыж ордэна Пагоні
Сярэбраны Крыж ордэна Пагоні

Зноскі

Спасылкі

[1] Пра ўзнагароды

[2] Значкі, жэтоны, мэдалі

[3] ДЭКРЭТ АБ УЗНАГАРОДЖАНЬНІ ОРДЭНАМ ПАГОНІ, 1950 Г

[4] Мазырэц Ц. Узнагароды Беларусі

[1]

[2]

[3]

[4]