Станіслаў Віктаравіч Валодзька

Станіслаў Валодзька
Асабістыя звесткі
Дата нараджэння	11 лістапада 1956(1956-11-11) (67 гадоў)
Месца нараджэння	Падольцы, Жукойненскі сельсавет, Свірскі раён, Маладзечанская вобласць, БССР, СССР
Грамадзянства	Латвія
Альма-матар	філалагічны факультэт БДУ
Прафесійная дзейнасць
Род дзейнасці	паэт, пісьменнік, дзіцячы пісьменнік
Мова твораў	беларуская, руская
Грамадская дзейнасць
Член у	Саюз пісьменнікаў Беларусі Саюз беларускіх пісьменнікаў Уздым[d] Таварыства латвійска-беларускай садружнасці[d]
Узнагароды	Нагрудны знак «За ўклад у развіццё культуры Беларусі» За вялікі ўклад у літаратуру[d]

Станісла́ў Ві́ктаравіч Вало́дзька (нар. 11 лістапада 1956, вёска Падольцы, Астравецкі раён, Гродзенская вобласць, БССР) — беларускі паэт, дзіцячы пісьменнік у Латвіі.

Біяграфія

Меў трох старэйшых братоў. Рана застаўся без бацькі. Скончыў Жукойненскую сярэднюю школу ў 1974 годзе, завочна філалагічны факультэт БДУ.

Адслужыўшы ў арміі, працаваў механікам пуцявой машыны ў Вільні, пасля ў Дзвінску, дзе застаўся і пасля распаду СССР.

Дзейнасць

Адзін з заснавальнікаў беларускага культурна-асветніцкага таварыства «Уздым», Саюза пісьменнікаў Беларусі (1997), Міжнароднай асацыяцыі пісьменнікаў, Аб’яднання дзіцячых пісьменнікаў Латвіі. Адзін з заснавальнікаў Таварыства латвійска-беларускай садружнасці.

Творчасць

Вершы пісаць пачаў у школе. Першы верш «Вялікія» надрукаваны ў 1974 годзе ў газце «Астравецкая праўда».

Выдаў зборнікі паэзіі «На хвалях хвалявання», «У вачах Айчыны» (1996), «Зварот да сэрца» (1998), «Памяці гаючая трава», «Обращение к сердцу». Зборнікі твораў «На гэтай зямлі» і «Под небом Родины». Напісаў кнігі для дзяцей «Калыханкі і пацешкі для Антошкі і Алежкі», «Бусинки» (1995), «Чудесный котик», «Сокровища», «Соцветия рифм», «Светлячок», «Кветкі для мамы», «Калі ласка, казка!».

Некаторыя творы Станіслава Валодзькі перакладзеныя на латышскую, латгальскую і польскую мовы.

Песня «Беларускі дом» стала гімнам таварыства «Уздым» і Саюза беларусаў Літвы. Выйшлі мультымедыйныя зборнікі песен на вершы паэта «Веру ў сваю зорку», «Палын і медуніца», «Хай шчаслівы ўсе будуць на зямлі».

Прэміі і ўзнагароды

• Медаль Францыска Скарыны;
• Нагрудны знак Міністэрства культуры Рэспублікі Беларусь «За ўнёсак у развіццё культуры Беларусі»;
• Ганаровая грамата Камітэта па справах рэлігій і нацыянальнасцей пры Савеце міністраў Беларусі;
• Памятны медаль да 100-годдзя М. А. Шолахава «За гуманізм і ўклад у славянскую культуру»;
• Нагрудны знак Саюза пісьменнікаў Беларусі «За вялікі ўклад у літаратуру».

Спасылкі

• Жыццяпіс на старонцы Рэспубліканскага цэнтра нацыянальных культур Беларусі
• Алена Басікірская. Жыццяпіс у «Савецкай Белоруссіі»
• Вершы Станіслава Валодзькі // Беларуская паэзія