Ёзеф Зоненфельс

З пляцоўкі Вікіпедыя
Jump to navigation Jump to search
Ёзеф Зоненфельс
Joseph von Sonnenfels.jpg
Дата нараджэння 1732[1]
Месца нараджэння
Дата смерці 25 красавіка 1817(1817-04-25)[2][3]
Месца смерці
Грамадзянства
Род дзейнасці пісьменнік, прафесар, журналіст, эканаміст
Месца працы
Член у
Commons-logo.svg Ёзеф Зоненфельс на Вікісховішчы

Ё́зеф Зо́ненфе́льс (ням.: Joseph Freiherr von Sonnenfels; 17321817) — аўстрыйскі юрыст.

У 1775 г. у Цюрыху з'явілася яго брашура «Ueber Abschaffung der Tortur», якая выйшла затым у 1782 г. у Нюрнбергу ў выпраўленым і дапоўненым выглядзе. Кніга пакінула моцнае ўражанне на імператрыцу Марыю Тэрэзію — і катаванні ў Аўстрыі былі скасаваныя.

Найважнейшай працай Зоненфельса прынята лічыць яго кнігу «Grundsätze der Polizei-Handlungs— und Finanzwissenschaft», якая вытрымала 8 выданняў (першае з'явілася ў Вене ў 17651776 гг., а восьмае — там жа ў 18191822 гг.). Кніга Зоненфельса да паловы 1840-х гадоў служыла агульнапрынятым дапаможнікам для вывучэння палітычных навук. Прадстаўнік камералізму, у сваіх эканамічных поглядах Зоненфельс быў рашучым прыхільнікам школы Кенэ; з гэтага пункту гледжання яго кніга не прынесла нічога прынцыпова новага ў навуку.

У галіне дзяржаўнага права Зоненфельс быў прыхільнікам асветнага абсалютызму. Ідэя падзялення ўлады, якая ўсё больш і больш заваёўвала сабе месца ў працах выдатных французскіх і англійскіх пісьменнікаў тых часоў, засталася для яго абсалютна незразумелай; канстытуцыйныя тэорыі былі яму прамым чынам антыпатычныя, таму ён часта спрабаваў паўставаць супраць іх у сваім дапаможніку.

Немалую заслугу Зоненфельса складае значнае паляпшэнне мовы: яго форма апавядання выгадна адрознівалася ад навуковых трактатаў тых часоў яснасцю і сціснутым стылем. З іншых яго твораў найбольш вядомыя: «Abhandlung von der Theuerung in den Hauptstädten und den Mitteln derselben abzuhelfen» (Лейпцыг, 1769); «Ueber Wucher und Wuchergesetze» (Bена, 1789); «Ueber die Stimmenmehrheit bei Kriminalurtheilen» (1808). Поўны збор твораў быў выдадзены ў Вене ў 17831787 гг. Зоненфельс прымаў вельмі актыўны ўдзел у стварэнні аўстрыйскага крымінальнага ўлажэння 1803 г.

Wiki letter w.svg На гэты артыкул не спасылаюцца іншыя артыкулы Вікіпедыі,
калі ласка, карыстайцеся падказкай і пастаўце спасылкі ў адпаведнасці з прынятымі рэкамендацыямі.
  1. Joseph von Sonnenfels // http://en.isabart.org/person/148850 Праверана 9 кастрычніка 2017.
  2. Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #118615610 // Агульны нарматыўны кантроль — 2012—2016. Праверана 13 кастрычніка 2015.
  3. data.bnf.fr: платформа адкрытых дадзеных — 2011. Праверана 10 кастрычніка 2015.