Іван Аляксандравіч Салавей

Іван Аляксандравіч Салавей
Іван Аляксандравіч Салавей
Дата нараджэння	15 верасня 1918
Месца нараджэння	Баравыя, Слабода-Пырашаўская воласць[d], Ігуменскі павет, Мінская губерня;
Дата смерці	10 красавіка 1988 (69 гадоў)
Род дзейнасці	мастак
Жанр	станковы жывапіс[d]
Вучоба	Віцебскае народнае мастацкае вучылішча (1938);
Уплыў	Іван Восіпавіч Ахрэмчык, Хрыстафор Яўгенавіч Даркевіч і Леў Мееравіч Лейтман
Член у	Беларускі саюз мастакоў;

Іван Аляксандравіч Салаве́й (15 верасня 1918, в. Баравыя, цяпер Мінская вобласць — 10 красавіка 1988) — беларускі мастак-жывапісец.

Біяграфія[правіць | правіць зыходнік]

Скончыў у 1938 годзе Віцебскае мастацкае вучылішча. Вучыўся ў І. Ахрэмчыка, Х. Даркевіча, Л. Лейтмана. Удзельнік Вялікай Айчыннай вайны. Удзельнік мастацкіх выставак з 1947 года.

Член Беларускага саюза мастакоў з 1959 года.

Творчасць[правіць | правіць зыходнік]

Працаваў у розных жанрах станковага жывапісу. Асноўныя творы: палотны «Уборка ўраджаю», «Вываз угнаенняў», «Па пуцёўках камсамола», «На вадапоі», «Калгасны статак», «Паўстанне жыхароў Віцебска ў 1623 годзе», «Дзяўчаты», «Я ішоў да цябе чатыры гады»; серыя ўздзенскіх пейзажаў. Творы знаходзяцца ў Нацыянальным мастацкім музеі Беларусі, фондах БСМ.

Сям’я[правіць | правіць зыходнік]

Меў сына Рыгора, які стаў ляснічым Лашанскага лясніцтва Уздзенскага лясгаса.

Літаратура[правіць | правіць зыходнік]

Салавей Іван Аляксандравіч // Беларускі саюз мастакоў: энцыклапедычны даведнік / складальнік Б. А. Крэпак. — Мінск, 1998.

Спасылкі[правіць | правіць зыходнік]

Іван Аляксандравіч Салавей на сайце анлайн-энцыклапедыі «Беларусь у асобах і падзеях»