Іван Васілевіч Самарын

Іван Васілевіч Самарын
руск.: Иван Васильевич Самарин
Дата нараджэння	7 (19) студзеня 1817
Месца нараджэння	Санкт-Пецярбург, Расійская імперыя
Дата смерці	13 (25) жніўня 1885 (68 гадоў)
Месца смерці	Масква, Маскоўская губерня, Расійская імперыя
Месца пахавання	Ваганькаўскія могілкі
Грамадзянства	Расійская імперыя
Адукацыя	Вышэйшае тэатральнае вучылішча імя М. С. Шчэпкіна
Прафесія	акцёр, тэатральны педагог
Тэатр	Малы тэатр

Іван Васілевіч Сама́рын (руск.: Иван Васильевич Самарин; 19 студзеня 1817 — 25 жніўня 1885) — рускі акцёр, драматург і тэатральны педагог.

Біяграфія

Нарадзіўся ў Санкт-Пецярбургу. У 1837 годзе скончыў Маскоўскае тэатральнае вучылішча і паступіў у трупу Малога тэатра. Вучань М. С. Шчэпкіна. Адначасова выкладаў у тэатральным вучылішчы з 1862 года. З 1874 года кіраваў драматычным класам Маскоўскай кансерваторыі.

Творчасць

У тэатры пачынаў з амплуа «першага палюбоўніка», а з канца 1850-х гадоў перайшоў да характарных роляў. Найбольш значныя ролі: Чацкі , Фамусаў («Гора ад розуму» А. Грыбаедава); Хлестакоў («Рэвізор» М. В. Гогаля); Гамлет («Гамлет» У. Шэкспіра); Мурамскі («Вяселле Крачынскага» А. Сухаво-Кабыліна). У 1879 годзе сіламі студэнтаў опернага класа Маскоўскай кансерваторыі ўпершыню паставіў на сцэне Малога тэатра оперу «Яўген Анегін» П. І. Чайкоўскага.

Аўтар шэрагу п’ес, якія ставіліся ў правінцыі.

Літаратура

• Самарын Іван Ваілевіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 135. — 10 000 экз. — ISBN 985-11-0035-8. — ISBN 985-11-0238-5 (т. 14).

Спасылкі

• Самарин Иван Васильевич (руск.) // Афіцыйны сайт Малага тэатра
• Самарин Иван Васильевич (руск.) // Партал «Культура России»