Іван Мікалаевіч Банаў

Іван Мікалаевіч Банаў
Дата нараджэння	29 жніўня 1916(1916-08-29)
Месца нараджэння	Тацынская[d], Вобласць Войска Данскога, Расійская імперыя
Дата смерці	9 лютага 1982(1982-02-09) (65 гадоў)
Месца смерці	Масква, РСФСР, СССР
Месца пахавання	Хімкінскія могілкі[d]
Альма-матар	Ваенная акадэмія імя М. В. Фрунзэ
Грамадзянства	Расійская імперыя
Прыналежнасць	Расійская імперыя
Гады службы	1935—1977
Званне
Бітвы/войны	Польскі паход РСЧА Вялікая Айчынная вайна
Узнагароды і званні	замежныя ордэны
Медыяфайлы на Вікісховішчы

Іван Мікалаевіч Банаў (16 (29) жніўня 1916, с. Тацынская — 9 лютага 1982) — савецкі разведчык, у гады Вялікай Айчыннай вайны адзін з арганізатараў партызанскага руху ў Беларусі, камандзір партызанскага злучэння. Герой Савецкага Саюза (4.2.1944), генерал-маёр (1969).

Біяграфія

Нарадзіўся 29 жніўня (16 жніўня па старым стылі) 1916 года ў сялянскай сям’і.

У Савецкай Арміі з 1935-га. Сябра кампартыі з 1939-га.

Скончыў два курсы сельгастэхнікума, Арджанікідзаўскае ваеннае пяхотнае вучылішча (1938), Ваенную акадэмію імя М. В. Фрунзэ (1949). Сакратар камсамольской арганізацыі калгаса.

Удзельнік Вялікай Айчыннай вайны з чэрвеня 1941-га. Са жніўня 1942-га выконваў заданні ў тыле ворага. Арганізоўваў дыверсійна-выведвальную працу ў Баранавіцкай, Пінскай і Брэсцкай абласцях, падрыхтаваў 3 групы разведчыкаў. Стварыў некалькі партызанскіх атрадаў, якія аб’ядналіся ў буйное злучэнне. Партызаны, дзейнічаючы пад кіраўніцтвам маёра Банава, у 1942—1943 гадах разграмілі шэраг варожых гарнізонаў на тэрыторыі Беларусі і Польшчы, здзейснілі сотні крушэнняў воінскіх эшалонаў суперніка, узарвалі каля двух дзесяткаў чыгуначных мастоў, сабралі нямала каштоўных звестак.

Са студзеня 1944 года дапамагаў польскім партызанам у барацьбе з гітлераўцамі.

З 1949 года праходзіў службу ў органах савецкай ваеннай разведкі да сваёй адстаўкі ў 1977 годзе.

Памёр 9 лютага 1982 года ў Маскве. Пахаваны на Хімкінскіх могілках.

Узнагароды

• Медаль «Залатая Зорка» Героя Савецкага Саюза
• Два ордэна Леніна
• Ордэн Чырвонага Сцяга
• Ордэн Чырвонай Зоркі
• Ордэн «За службу Радзіме ва Узброеных Сілах СССР» III ступені
• Медалі, у тым ліку:
  • Медаль «За перамогу над Германіяй у Вялікай Айчыннай вайне 1941—1945 гг.»
  • Юбілейны медаль «Дваццаць гадоў Перамогі ў Вялікай Айчыннай вайне 1941-1945 гг.»
  • Юбілейны медаль «Трыццаць гадоў Перамогі ў Вялікай Айчыннай вайне 1941-1945 гг.»
• Замежныя ордэны

Літаратура

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382
• Люди легенд. Выпуск 1. — М., 1965.
• Они прославили Родину. Книга 2. — Ростов-на-Дону, 1975.
• Советская Военная Энциклопедия. — М.: Воениздат, 1990.
• Черный И. Н. Данные достоверны. — М.: Воениздат, 1968. — 320 с. — 100000 экз.

Спасылкі

Іван Мікалаевіч Банаў на сайце «Героі краіны»(Праверана 25 мая 2010)

• ГЕРОИ СОВЕТСКОГО СОЮЗА — УРОЖЕНЦЫ ДОНА Архівавана 28 студзеня 2012. (руск.)
• Банов Иван (руск.) // Спецыяльны праект Выдавецкага дома «‎Беларусь сегодня» і Нацыянальнага архіва Рэспублікі Беларусь