Іван Міхайлавіч Краснік

Іван Міхайлавіч Краснік
Дата нараджэння	30 ліпеня 1906(1906-07-30)
Месца нараджэння	Іванск, Сенненскі павет, Магілёўская губерня, Расійская імперыя
Дата смерці	8 лютага 1957(1957-02-08) (50 гадоў)
Месца смерці	Барысаў, Мінская вобласць, Беларуская ССР, СССР
Месца пахавання	Барысаў
Грамадзянства	СССР
Прыналежнасць	Расійская імперыя, СССР
Род войскаў	артылерыя
Гады службы	1932—1956
Званне	палкоўнік
Камандаваў	360-ы гвардзейскі цяжкі самаходны артылерыйскі полк
Бітвы/войны	Вялікая Айчынная вайна
Узнагароды і званні

Іван Міхайлавіч Кра́снік (30 ліпеня (12 жніўня) 1906, вёска Іванск — 18 лютага 1957) — удзельнік Вялікай Айчыннай вайны, Герой Савецкага Саюза (1945).

Біяграфія

І. М. Краснік нарадзіўся у вёсцы Іванск (сучасны аграгарадок у Чашніцкім раёне Віцебскай вобласці Беларусі). У кастрычніку 1928 года прызваны ў рады Чырвонай Арміі. У 1932 годзе скончыў Мінскае артылерыйскае вучылішча. У Вялікую Айчынную вайну з чэрвеня 1941 года ваяваў на Заходнім, Калінінскім, Ленінградскім і 1-м Беларускім франтах.

360-ы гвардзейскі цяжкі самаходны артылерыйскі полк (33-я армія, 1-ы Беларускі фронт) пад камандаваннем падпалкоўніка І. М. Красніка вызначыўся 16—22 красавіка 1945 года на тэрыторыі Германіі ў час прарыву абароны праціўніка на ўчастку шашы Франкфурт—Берлін. За ўмелае камандаванне палком, асабістую мужнасць і гераізм Указам Прэзідыума Вярхоўнага Савета СССР ад 31 мая 1945 года І. М. Красніку прысвоена званне Героя Савецкага Саюза.

Пасля вайны І. М. Краснік працягваў службу у арміі. У 1947 годзе скончыў Вышэйшыя афіцэрскія курсы пры Ваеннай акадэміі бранятанкавых і механізаваных войскаў. З 1956 года палкоўнік Краснік у запасе. Жыў у горадзе Барысаў Мінскай вобласці. Памёр 18 лютага 1957 года і пахаваны ў Барысаве.

Узнагароды

• Медаль «Залатая Зорка»
• 2 ордэны Леніна
• 3 ордэны Чырвонага Сцяга
• Ордэн Айчыннай вайны 1-й ступені
• 2 ордэны Чырвонай Зоркі
• медалі

Літаратура

• Кра́снік Іван Міхайлавіч // Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — С. 462—463. — 576 с. — 10 000 экз. — ISBN 985-11-0035-8. — ISBN 985-11-0144-3 (т. 8).
• Краснік Іван Міхайлавіч // Энцыклапедыя гісторыі Беларусі. У 6 т. Т. 4: Кадэты — Ляшчэня / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 1997. — С. 252. — 10 000 экз. — ISBN 985-11-0041-2.
• Краснік Іван Міхайлавіч // Памяць: гісторыка-дакументальная хроніка Чашніцкага раёна / рэдкал. М. Ц. Дробыш [і інш.]. — Мн., 1997. — С. 430.

Спасылкі

• Іван Міхайлавіч Краснік на сайце «Героі краіны»