Ігар Анатолевіч Бабко

Ігар Бабко
Ігар Бабко
Поўнае імя	Ігар Анатолевіч Бабко
Нарадзіўся	9 верасня 1985 (39 гадоў); Воса, Восаўскі сельсавет, Кобрынскі раён, Брэсцкая вобласць, БССР, СССР;
Грамадзянства	Беларусь
Рост	176 см
Вага	65 кг
Пазіцыя	паўабаронца
Інфармацыя пра клуб
Клуб	Кронан
Нумар	8
Клубная кар’ера
2023—	Кронан (Стоўбцы)
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 5 мая 2023. ;

Ігар Бабко (нар. 9 верасня 1985, Воса, Кобрынскі раён) — беларускі футбаліст, паўабаронца стаўбцоўскага «Кронана».

Клубная кар’ера

Ігар Бабко з’яўляецца выхаванцам ганцавіцкага футбола. Кар’еру пачаў у мясцовым клубе «Харчавік», які выступаў у першынстве Брэсцкай вобласці.

Пасля паступіў у БДУФК. Падчас вучобы выступаў у Другой лізе за такія клубы, як «Кобрын», мінскі СКВІЧ і пастаўскі ПМЦ. У 2007 разам з ПМЦ выйграў Другую лігу і на наступны сезон гуляў у Першай лізе, але пасля заканчэння сезона 2008 пастаўскі клуб быў расфармаваны.

Перад пачаткам сезона 2009 праходзіў прагляд у «Баранавічах», але ў выніку пачаў сезон у складзе «Гарадзеі». Адгуляўшы за гарадзейцаў паўсезона, пайшоў служыць у армію^[3].

«Слуцк»

Пасля вяртання з арміі ў сярэдзіне 2010 года трапіў на прагляд у клуб «Слуцкцукар», які на той момант гуляў у Другой лізе, і ў выніку стаў іграком клуба. Па выніках сезона 2010 «Слуцкцукар» выйшаў у Першую лігу і змяніў назву на «Слуцк».

У складзе «Слуцка» на працягу трох гадоў гуляў у Першай лізе. У сезоне 2012 канчаткова замацаваўся ў аснове, а ў 2013 годзе стаў адным з лідараў каманды, забіўшы за сезон 6 галоў і аддаўшы 12 галявых перадач, што дапамагло «Слуцку» перамагчы ў Першай лізе.

У сезоне 2014 Ігар разам са «Слуцкам» дэбютаваў у Вышэйшай лізе, выступаючы на пазіцыі левага паўабаронцы. У першай палове сезона выступаў не вельмі паспяхова, часам заставаўся на лаўцы запасных, але ўлетку трывала замацаваўся ў аснове. У выніку з 6 галявымі перадачамі стаў найлепшым распасоўшчыкам «Слуцка» ў сезоне.

У снежні 2014 падоўжыў кантракт са «Слуцкам» яшчэ на два гады^[4]. У сезоне 2015 ужо трывала замацаваўся ў якасці асноўнага левага паўабаронцы случан. У чэрвені 2016 года стаў капітанам «Слуцка». У снежні 2017 года зноў падоўжыў кантракт са слуцкім клубам^[5]. У сезоне 2018 працягваў выступаць у стартавым складзе, аднак у верасні атрымаў траўму, вярнуўся на поле толькі ў апошнім матчы сезона 2 снежня. У снежні 2018 года падпісаў новае пагадненне са случанамі^[6].

Сезон 2019 пачынаў у стартавым складзе случан, аднак пазней выбыў з-за траўмы і не з’яўляўся на полі да канца сезона. У снежні 2019 года падоўжыў кантракт з клубам^[7]. З-за траўм мала выхадзіў на поле і ў сезоне 2020. У студзені 2021 года падпісаў новае пагадненне са «Слуцкам»^[8]. У сезоне 2021 не маў трывалага месца ў складзе, часцей выхадзіў на замену ці заставаўся на лаўцы запасных.

«Баранавічы»

У студзені 2022 года пасля 11 гадоў у клубе пакінуў «Слуцк»^[9] і неўзабаве стаў іграком «Баранавічаў»^[10]. Трывала з’яўляўся ў стартавым складзе каманды. У лістападзе 2022 года па заканчэнні кантракта пакінуў «Баранавічы»^[11].

«Кронан»

Сезон 2023 пачаў у Другой лізе ў складзе стаўбцоўскага «Кронана».

Дасягненні

Пераможца Другой лігі чэмпіянату Беларусі: 2007
Пераможца Першай лігі чэмпіянату Беларусі: 2013

Статыстыка выступленняў

Сезон	Дывізіён	Клуб	Матчы	Галы
2006	Д3	Кобрын	12	2
2007 (1)	Д3	СКВІЧ	10	0
2007 (2)	Д3	ПМЦ	17	0
2008	Д2	ПМЦ	26	2
2009 (1)	Д3	Гарадзея	12	0
2010 (2)	Д3	Слуцкцукар	15	0
2011	Д2	Слуцк	26	1
2012	Д2	Слуцк	27	3
2013	Д2	Слуцк	30	6
2014	Д1	Слуцк	30	0
2015	Д1	Слуцк	26	2
2016	Д1	Слуцк	26	3
2017	Д1	Слуцк	26	1
2018	Д1	Слуцк	21	1
2019	Д1	Слуцк	8	0
2020	Д1	Слуцк	8	0
2021	Д1	Слуцк	11	1
2022	Д2	Баранавічы	17	3

Грамадзянская пазіцыя

Пасля жорсткага разгону акцый пратэстаў, выкліканых масавымі фальсіфікацыямі на прэзідэнцкіх выбарах 2020 года, збіцця і катаванняў затрыманых пратэстоўцаў, разам з 92 іншымі беларускімі футбалістамі выступіў з асуджэннем гвалту ў Беларусі^[12].

Зноскі

[club-2] Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 5 мая 2023.

[_06b36a9f3c792e68-1] Igor Bobko // Transfermarkt — 2000. Праверана 9 кастрычніка 2017.
<a href="https://wikidata.org/wiki/Track:Q2449070"></a>

[_920af560bf99efd8-3] ttps://www.pressball.by/footballstat/igor_bobko/

[4] Интервью Игоря Бобко ганцевичской газете «Савецкае Палессе»

[5] «Слуцк» продлил контракты с Алисейко, Лесько и Бобко

[6] "Слуцк" продлил контракты с шестью футболистами и расстался с Дударем

[7] Бобко, Кибук и Панкратов продлили контракты со "Слуцком"

[8] "Слуцк" продлил контракт с Бобко

[9] Велько, Бобко и Семенов продлили контракты со "Слуцком"

[10] Игорь Бобко расстался со "Слуцком" после проведенных в клубе 11 лет

[11] Игорь Бобко стал игроком "Барановичей"

[12] Игорь Бобко расстался с "Барановичами"

[13] 93 беларускія футбалісты выступілі з асуджэннем гвалту ВІДЭА

[1]

[2]

[* 1]

[3]

[4]

[5]

[6]

[7]

[8]

[9]

[10]

[11]

[12]