Ігар Анатолевіч Бабко

Ігар Бабко
Агульная інфармацыя
Поўнае імя	Ігар Анатолевіч Бабко
Нарадзіўся	9 верасня 1985(1985-09-09) (32 гады) Воса, Восаўскі сельсавет[d], Кобрынскі раён, Брэсцкая вобласць, БССР, СССР
Грамадзянства	Беларусь
Рост	176 см
Вага	65 кг
Пазіцыя	паўабаронца
Інфармацыя пра клуб
Клуб	Слуцк
Нумар	23
Кар'ера
Клубная кар'ера*
2006	Кобрын	12 (2)
2007	СКВІЧ (Мінск)	10 (0)
2007 — 2008	ПМЦ (Паставы)	43 (2)
2009	Гарадзея	12 (0)
2010 —	Слуцк	180 (15)
* Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 14.11.2015.

Ігар Бабко (нар. 9 верасня 1985, вёска Воса Кобрынскага раёна) — беларускі футбаліст, паўабаронца клуба «Слуцк».

Клубная кар'ера

Ігар Бабко з'яўляецца выхаванцам ганцавіцкага футбола. Кар'еру пачаў у мясцовым клубе «Харчавік», які выступаў у першынстве Брэсцкай вобласці.

Пасля паступіў у БДУФК. Падчас вучобы выступаў у Другой лізе за такія клубы, як «Кобрын», мінскі СКВІЧ і пастаўскі ПМЦ. У 2007 разам з ПМЦ выйграў Другую лігу і на наступны сезон гуляў у Першай лізе, але пасля заканчэння сезону 2008 пастаўскі клуб быў расфармаваны.

Перад пачаткам сезону 2009 праходзіў прагляд у «Баранавічах», але ў выніку пачаў сезон у складзе «Гарадзеі». Адгуляўшы за гарадзейцаў паўсезона, пайшоў служыць у армію.

«Слуцк»

Пасля вяртання з арміі ў сярэдзіне 2010 года трапіў на прагляд у клуб «Слуцкцукар», які на той момант гуляў у Другой лізе, і ў выніку стаў іграком клуба. Па выніках сезону 2010 «Слуцкцукар» выйшаў у Першую лігу і змяніў назву на «Слуцк».

У складзе «Слуцка» на працягу трох гадоў гуляў у Першай лізе. У сезоне 2012 канчаткова замацаваўся ў аснове, а ў 2013 стаў адным з лідараў каманды, забіўшы за сезон 6 галоў і аддаўшы 12 галявых перадач, што дапамагло «Слуцку» перамагчы ў Першай лізе.

У сезоне 2014 Ігар разам са «Слуцкам» дэбютаваў у Вышэйшай лізе, выступаючы на пазіцыі левага паўабаронцы. У першай палове сезону выступаў не вельмі паспяхова, часам заставаўся на лаўцы запасных, але ўлетку трывала замацаваўся ў аснове. У выніку з 6 галявымі перадачамі стаў найлепшым распасоўшчыкам «Слуцка» ў сезоне.

У снежні 2014 падоўжыў кантракт са «Слуцкам» яшчэ на два гады. У сезоне 2015 ужо трывала замацаваўся ў якасці асноўнага левага паўабаронцы случан. У чэрвені 2016 года стаў капітанам «Слуцка».

Дасягненні

• Пераможца Другой лігі чэмпіянату Беларусі: 2007
• Пераможца Першай лігі чэмпіянату Беларусі: 2013

Статыстыка выступленняў

Сезон	Дывізіён	Клуб	Краіна	Матчы	Галы
2006	Д3	Кобрын		12	2
2007 (1)	Д3	СКВІЧ		10	0
2007 (2)	Д3	ПМЦ		17	0
2008	Д2	ПМЦ		26	2
2009 (1)	Д3	Гарадзея		12	0
2010 (2)	Д3	Слуцкцукар		15	0
2011	Д2	Слуцк		26	1
2012	Д2	Слуцк		27	3
2013	Д2	Слуцк		30	6
2014	Д1	Слуцк		30	0
2015	Д1	Слуцк		26	2
2016	Д1	Слуцк		26	3

Спасылкі

• Профіль на сайце transfermarkt.de(ням.) 
• Профіль на сайце sports.ru(руск.) 
• Профіль на сайце soccerway.com (руск.) 
• Профіль на сайце teams.by(руск.) 
• Профіль на сайце pressball.by(руск.)