Ігар Канстанцінавіч Жмакін
Ігар Канстанцінавіч Жмакін | |
---|---|
Дата нараджэння | 24 ліпеня 1926 |
Месца нараджэння | |
Дата смерці | 5 студзеня 2022 (95 гадоў) |
Грамадзянства | |
Бацька | Канстанцін Мікалаевіч Жмакін[d] |
Род дзейнасці | урач |
Навуковая сфера | фізіялогія |
Месца працы | |
Навуковая ступень | доктар медыцынскіх навук |
Навуковае званне | прафесар |
Альма-матар | |
Узнагароды |
Ігар Канстанцінавіч Жма́кін[1] (нар. 24 ліпеня 1926 — 2022) — вучоны ў галіне фізіялогіі, доктар медыцынскіх навук (1974), прафесар (1977).
Біяграфія[правіць | правіць зыходнік]
І. К. Жмакін нарадзіўся ў Кіеве. З пачаткам Вялікай Айчыннай вайны разам сям’ёй быў эвакуіраваны ва Узбекскую ССР, у горад Андыжан, дзе скончыў сярэднюю школу[2]. У 1945 годзе паступіў ў Сталінскі медыцынскі інстытут у Данецку[2]. У 1948 годзе сям’я пераехала ў Маскву. У 1951 годзе скончыў Першы Маскоўскі медыцынскі ўніверсітэт імя І. М. Сечанава і паступіў у аспірантуру пры кафедры нармальнай фізіялогіі Другога Маскоўскага медыцынскага інстытута[2]. У 1954 годзе абараніў кандыдацкую дысертацыю на тэму «Влияние удаления коры больших полушарий головного мозга на газовый обмен у собак» і быў абраны старэйшым навуковым супрацоўнікам, загадчыкам фізіялагічнай лабараторыяй Цэнтральнай навукова-даследчай лабараторыі 2-га Маскоўскага медыцынскага інстытута[2]. У 1959 годзе абраны на пасаду дацэнта кафедры нармальнай фізіялогіі Гродзенскага медыцынскага інстытута[2]. Выкладчыцкую работу сумяшчаў з адміністрацыйнай, займаючы пасады намесніка дэкана, прарэктара па навуковай і навучальнай частцы. У 1966—1969 гг. І. К. Жмакін у горадзе Кемерава, займаў пасаду загадчыка кафедрай нармальнай фізіялогіі Кемераўскага медыцынскага інстытута[2]. З 1969 года зноў у Гродзенскім медыцынскім інстытуце, дзе на працягу 29 гадоў займаў пасаду загадчыка кафедрай нармальнай фізіялогіі.
Сям’я[правіць | правіць зыходнік]
Нарадзіўся ў сям’і Канстанціна Жмакіна (1894—1986), урача-акушэра-гінеколага, доктара медыцынскіх навук, і яго жонкі — Алены Міхайлаўны, якая паходзіла са старадаўняга роду Мусіных-Пушкіных[3][4].
- сын Андрэй Ігаравіч Жмакін (нар. 1956) — урач-мікрабіёлаг, кандыдат медыцынскіх навук
- унук Дзмітрый Ігаравіч Жмакін (нар. 1982) — урач-інфекцыяніст, кандыдат медыцынскіх навук
Навуковая дзейнасць[правіць | правіць зыходнік]
І. К. Жмакіну належаць навуковыя працы па фізіялогіі цэнтральнай нервовай сістэмы і кровазвароту, сістэмных механізмах самарэгуляцыі функцый, па гісторыі фізіялогіі. З’яўляецца аўтарам больш за 200 навуковых прац, сааўтарам 2-х падручнікаў па фізіялогіі чалавека, шэрагу метадычных і праграмных дакументаў па выкладанню нармальнай фізіялогіі ў вышэйшых навучальных установах[2]. Сярод апублікаванага:
- Ангитензионография в эксперименте и клинике. — Мн., 1967. (у сааўтарстве)
- О возможном участии гемического компонента системы транспорта кислорода в обеспечении прооксидантно-антиоксидантного равновесия в динамике нормального менструального цикла: сборник / И. К. Жмакин, О. А. Балбатун // Кислород и свободные радикалы : Материалы междунар. симп. — Гродно, 1996.
- Нормальная физиология: тесты: пособие для студентов мед. вузов / В. В. Зинчук, И. К. Жмакин, И. К. Дремза [и др]; ред. В. В. Зинчук; ГрГМУ. — Гродно: ГрГМУ, 2003. — 222 с. — ISBN 985-6539-92-7
Пад кіраўніцтвам І. К. Жмакіна падрыхтаваны 7 кандыдацкіх і 1 доктарская дысертацыі[2]. Ён прымаў удзел у рабоце Цэнтральнай праблемнай вучэбна-медыцынскай камісіі па фізіялогіі Міністэрства аховы здароўя СССР, міжнароднай камісіі па каардынацыі выкладання фізіялогіі ў сацыялістычных краінах. Член Міжнароднай Акадэміі герантолагаў з 1999 года[2].
Узнагароды[правіць | правіць зыходнік]
І. К. Жмакін узнагароджаны шэрагам медалёў СССР, значком «Выдатнік аховы здароўя», ганаровымі граматамі Міністэрства аховы здароўя БССР, Міністэрства аховы здароўя Рэспублікі Беларусь, Гродзенскага абласнога выканаўчага камітэта, рэктарата Гродзенскага медыцынскага ўніверсітэта[2].
Зноскі
- ↑ Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6.
- ↑ а б в г д е ё ж з і Творческий путь профессора Игоря Константиновича Жмакина (к 90-летию со дня рождения) / Зинчук В. В. [и др.] // Журнал Гродненского государственного медицинского университета. — 2016. — № 3(55). — С. 173—176. (руск.)
- ↑ Профессор И. К. Жмакин: 22-е колено рода Ратши . Архівавана з першакрыніцы 28 кастрычніка 2021. Праверана 28 кастрычніка 2021.
- ↑ Игорь Константинович Жмакин (к 45-летию Гродненского государственного медицинского университета) . Архівавана з першакрыніцы 28 кастрычніка 2021. Праверана 28 кастрычніка 2021.
Літаратура[правіць | правіць зыходнік]
- Жмакін Ігар Канстанцінавіч // Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — С. 435. — 10 000 экз. — ISBN 985-11-0035-8. — ISBN 985-11-0106-0 (т. 6).
- Творческий путь профессора Игоря Константиновича Жмакина (к 90-летию со дня рождения) / Зинчук В. В. [и др.] // Журнал Гродненского государственного медицинского университета. — 2016. — № 3(55). — С. 173—176. (руск.)
- Жмакин, И. К. У истоков кафедры нормальной физиологии Гродненского медицинского института: (из лич. воспоминаний) // Журнал ГрГМУ. — 2004. — № 2. — С. 106—109. (руск.)
Спасылкі[правіць | правіць зыходнік]
- Балбамтун О. А. Игорь Константинович Жмакин (к 45-летию Гродненского государственного медицинского университета) // Журнал Гродненского государственного медицинского университета. — 2003. — № 2. — С. 98—99. (руск.)
- Жмакін, Ігар Канстанцінавіч (доктар медыцынскіх навук; нар. 1926)(недаступная спасылка) // Нацыянальная бібліятэка Беларусі
- Нарадзіліся 24 ліпеня
- Нарадзіліся ў 1926 годзе
- Нарадзіліся ў Кіеве
- Памерлі 5 студзеня
- Памерлі ў 2022 годзе
- Выкладчыкі Гродзенскага дзяржаўнага медыцынскага ўніверсітэта
- Выкладчыкі Кемераўскага дзяржаўнага медыцынскага ўніверсітэта
- Дактары медыцынскіх навук
- Выпускнікі 1-га МДМУ
- Выдатнікі аховы здароўя (СССР)
- Асобы
- Вучоныя паводле алфавіта
- Медыкі СССР
- Медыкі Беларусі
- Фізіёлагі СССР
- Фізіёлагі Беларусі