Ілгайцы (возера)
| Ілгайцы | |
|---|---|
| Морфаметрыя | |
| Даўжыня | 2,02 км |
| Шырыня | 0,45 км |
| Плошча | 0,45 км² |
| Аб’ём | 0,00272 км³ |
| Даўжыня берагавой лініі | 5,99 км |
| Найбольшая глыбіня | 20,2 м |
| Сярэдняя глыбіня | 6 м |
| Гідралогія | |
| Салёнасць | да 0,22 ‰ |
| Празрыстасць | 3,1 м |
| Басейн | |
| Плошча вадазбору | 4,4 км² |
| Размяшчэнне | |
| Краіна |
 Беларусь |
| Рэгіён | Віцебская вобласць |
  Ілгайцы |
|
|
|
|
 Ілгайцы |
|
 |
|
 Медыяфайлы на Вікісховішчы | |
Ілга́йцы, таксама Ілгайца — возера ў Браслаўскім раёне Віцебскай вобласці, у басейне ракі Дрысвята, за 17 км на паўднёвы захад ад Браслава, каля вёскі Ілгайцы.
Плошча паверхні 0,45 км², даўжыня 2,02 км, найбольшая шырыня 450 м, даўжыня берагавой лініі 5,99[1] км. Найбольшая глыбіня 20,2[1] м, сярэдняя 6 м. Аб'ём вады ў возеры 2,72 млн. м³. Плошча вадазбору 4,4 км².
Катлавіна возера складанага тыпу, моцна выцягнутая ў напрамку з паўночнага захаду на паўднёвы ўсход. Схілы катлавіны вышынёй 5—8 м (на поўначы 2—5 м), у ніжняй частцы параслі хмызняком, у верхняй — разараныя. Берагавая лінія звілістая. Берагі зліваюцца са схіламі катлавіны, у залівах нізкія, пясчаныя, задзернаваныя. Дно мелкаводнымі падняццямі падзяляецца на шэраг адасобленых замкнёных катлавін, да глыбіні 2 метраў — пясчанае. У глыбакаводнай частцы дно возера выслана сапрапелем і гліністым ілам[1]. Найбольшыя глыбіні ў паўднёвым плёсе. Зона мелкаводдзя вузкая.
Возера эўтрофнае, слабапраточнае. Зарастае слаба. Прыбярэжная расліннасць пашыраецца на адлегласці 5—15 м ад берага возера, падводная — да глыбіні 4—5 м.
У возеры водзяцца шчупак звычайны, лешч, акунь, плотка, лінь, язь, судак, мянтуз і іншыя віды рыб[1].
Зноскі
Літаратура[правіць | правіць зыходнік]
- Беларуская энцыклапедыя: У 18 т. Т.7: Застаўка — Кантата / Рэдкал.: Г. П. Пашкоў і інш. — Мн.: Белэн, 1998. — 608 с.: іл. ISBN 985-11-0279-2
- Энцыклапедыя прыроды Беларусі. У 5-і т. Т.2 / Рэдкал.: І. П. Шамякін (гал. рэд.) і інш. — Мн.: БелСЭ, 1983. — Т. 2. — 522 с. — 10 000 экз.
- Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 16. — 72 с. — 10 000 экз. — ISBN 978-985-508-136-5. (руск.)