Іон Друцэ

Іон Друцэ
рум.: Ion Druță
Асабістыя звесткі
Дата нараджэння	3 верасня 1928(1928-09-03)
Месца нараджэння	Horodiște[d], Жудзец Сарокі[d], Каралеўства Румынія
Дата смерці	28 верасня 2023(2023-09-28) (95 гадоў)
Месца смерці	Масква, Расія
Пахаванне	Thanksgiving Candle[d]
Грамадзянства	СССР  Расія  Малдова
Альма-матар	Літаратурны інстытут імя А. М. Горкага
Прафесійная дзейнасць
Род дзейнасці	драматург, драматург, паэт, гісторык, пісьменнік
Мова твораў	румынская і руская
Грамадская дзейнасць
Партыя	Народны фронт Малдовы КПСС
Член у	Акадэмія навук Малдовы
Узнагароды
Медыяфайлы на Вікісховішчы

Іон Друцэ (рум.: Ion Druță; 3 верасня 1928, Харадзіштэ, Сарокскі павет, Каралеўства Румынія — 28 верасня 2023, Масква) — малдаўскі пісьменнік і драматург.

Біяграфія

Нарадзіўся 3 верасня 1928 года ў сяле Харадзіштэ (цяпер Дандзюшанскі раён Малдовы) у сялянскай сям’і.

Скончыў школу лясной гаспадаркі, працаваў сакратаром сельскай рады, у 1947—1951 гадах служыў у войску. Скончыў Вышэйшыя літаратурныя курсы літаратурнага інстытута імя А. М. Горкага (1957). Член УЛКСМ 1945—1956.

Пісаў спачатку на румынскай, а з 1960 таксама на рускай мове. Набыў усесаюзную вядомасць пасля публікацыі ў рускім перакладзе аповесці «Лісце суму» (1957, іншая назва «Георгэ, удовін сын»). У 1968 годзе пад ціскам сталай крытыкі з боку ЦК КП Малдаўскай ССР перасяліўся ў Маскву.

Публікаваўся з 1950 года.

Ганаровы член Румынскай Акадэміі (1990) і правадзейны член Акадэміі навук Малдовы (1992). Старшыня таварыства Св. Апостала Паўла («Дома Апостала Паўла»).