Адам Глобус

З пляцоўкі Вікіпедыя
Перайсці да: рух, знайсці
Адам Глобус
Adam Globus.jpg
Асабістыя звесткі
Імя пры нараджэнні:

Уладзімір Вячаслававіч Адамчык

Дата нараджэння:

29 верасня 1958

Месца нараджэння:

Дзяржынск, Дзяржынскі раён, Мінская вобласць, БССР, СССР

Грамадзянства:

Сцяг Беларусі

Альма-матар:

Беларуская дзяржаўная акадэмія мастацтваў

Літаратурная дзейнасць
Род дзейнасці:

Пісьменнік, мастак, выдавец

Жанр:

апавяданне

Мова твораў:

беларуская

Прэміі:

Літаратурная прэмія імя Ежы Гедройца

adamhlobus.com

Ада́м Глобус, сапр.: Уладзімі́р Вячасла́вавіч Ада́мчык (29 верасня 1958, Дзяржынск) — беларускі пісьменнік, мастак, выдавец.

Біяграфія[правіць | правіць зыходнік]

Нарадзіўся ў сям'і пісьменніка В. Адамчыка. З 1959 жыве Мінску. Скончыў педагагічнае аддзяленне Мінскага мастацкага вучылішча (1977), Беларускі дзяржаўны тэатральна-мастацкі ўніверсітэт (1983). Вучыўся ў мастака Альгерда Малішэўскага[1]. Працаваў чарцёжнікам, мастаком-рэстаўратарам, мастаком-афарміцелем, рэдактарам у часопісе «Родник» (з 1987). Цяпер займаецца выдавецкай дзейнасцю (выдавецтва «Сучасны літаратар»). Удзельнік Таварыства «Тутэйшыя» (1986—1990). Член Саюза пісьменнікаў СССР (з 1988), СП БССР (з 1989)

Творчасць[правіць | правіць зыходнік]

Працуе ў галіне паэзіі і прозы. У друку пачаў выступаць з вершамі ў 1981 (газета «Літаратура і мастацтва», часопіс «Маладосць»). Аўтар кніг «Парк» (паэзія, 1988), «Адзінота на стадыёне» (зборнік апавяданняў, 1989), «Смерць — мужчына» (1992), «Скрыжаванне» (1993), «Дамавікамерон» (1994), «Толькі не гавары маёй маме» (1995), «Койданава» (1997), «Новы дамавікамерон» (1998), «Post scriptum» (1999), «Тэксты» (зборнік усіх папярэдніх кніг, 2000), «Браслаўская стыгмата» (2001), «Сшыткі» (2003), «Дом» (2005), «сУчаснікі» (2006), «Літары»[2] (2006), «Play.by» (2009). Публікаваўся ў складзе зборнікаў «Тутэйшыя» (зборнік твораў удзельнікаў Таварыства «Тутэйшыя», 1989), «Круглы год» (зборнік хоку беларускіх аўтараў, 1996), «Сучасная беларуская проза» (зборнік, 2003).

Вершы і апавяданні А. Глобуса перакладзены на асноўныя мовы свету, а таксама на асецінскую і каталонскую, друкаваліся ў Вялікабрытаніі, Германіі, Славеніі, Чэхіі, Польшчы і Расіі («Оборотни» (1991), «Demonokameron» (1993), «Лирика by»[3] (выбраныя паэтычныя і празаічныя творы ў рускім перакладзе, 2007)).

Бібліяграфія[правіць | правіць зыходнік]

  • Адам Глобус Імёны. Літаратурныя партрэты / Пад рэд. В. Акудовіча — Мн.: ЛогвінаЎ, 2013. — 122 с. — (Бібліятэка «Беларускі калегіюм»). — 300 экз. — ISBN 978-985-6991-063-2.

Зноскі

  1. Адам Глобус. Словы пра мастака і настаўніка майго Альгерда Малішэўскага
  2. Глобус А. «Літары»: (зборнік). Выдавецтва ХАРВЕСТ, -Мн.: 2006. ISBN 985-13-5411-2. У зборніку сабраны кнігі: Дамавікамерон, Дамавікамерон новы, Дамавікамерон найноўшы, Дамавікамерон алфавітны, Дамавікамерон sexэвалюцыйны, Дамавікамерон miencki, Літаральнік.
  3. Глобус А. Лирика : стихи и проза. — Москва: АСТ, 2007. — 576 с.

Літаратура[правіць | правіць зыходнік]

Спасылкі[правіць | правіць зыходнік]