Маладосць (часопіс)
| «Маладосць» | |
|---|---|
| Арыгінальная назва |
Maladosc'[1] |
| Тып | часопіс |
| Заснавальнік | Міністэрства інфармацыі Рэспублікі Беларусь, грамадскае аб’яднанне «Саюз пісьменнікаў Беларусі», рэдакцыйна-выдавецкая ўстанова «Выдавецкі дом „Звязда“» |
| Выдавец | рэдакцыйна-выдавецкая ўстанова «Выдавецкі дом „Звязда“» |
| Краіна |
 Беларусь |
| Галоўны рэдактар | С. Д. Воцінава |
| Заснавана | 1953 |
| Тэматыка | літаратурна-мастацкі і грамадска-палітычны моладзевы |
| Мова | беларуская |
| Перыядычнасць | 1 / месяц |
| Аб’ём | 11,76 умоўных друкаваных аркушаў (112 с.) |
| Галоўны офіс | вул. Захарава, 19, г. Мінск, 220034 |
| Тыраж | 787 (красавік 2020) |
| ISSN | 01312308 |
| Вэб-сайт | zviazda.by/be/edition/ma… |
«Маладо́сць» (трансліт.: Maladość) — беларускі штомесячны літаратурна-мастацкі і грамадска-палітычны ілюстраваны часопіс. Арыентаваны ў асноўным на дарослую моладзь. Сярод літаратурна-мастацкіх і грамадска-палітычных часопісаў, якія выдаюцца ў Рэспубліцы Беларусь для розных узроставых груп чытачоў, стаіць паміж часопісамі «Бярозка» (для дзяцей сярэдняга і старэйшага школьнага ўзросту) і «Полымя».
Распаўсюджваецца праз падпіску поштай і продаж у «Белсаюздруку». Падпісныя індэксы на «Белпошце»: індывідуальны — 74957, індывідуальны льготны для настаўнікаў — 00592, ведамасны — 749572, ведамасны льготны для ўстаноў Міністэрства культуры і Міністэрства адукацыі Рэспублікі Беларусь — 00731.
Гісторыя[правіць | правіць зыходнік]
Выдаваўся з 1953 года як орган цэнтральнага камітэта Ленінскага камсамола Беларусі і Саюза пісьменнікаў БССР і з’яўляўся адзіным у рэспубліцы штомесячным часопісам для моладзі[2].
З 1988 да пачатку 2000-х і з 2013 года выдаецца "Бібліятэка часопіса «Маладосць» (12 кніг у год), дзе былі надрукаваныя першыя кнігі шэрагу беларускіх пісьменнікаў.
У 2002—2012 гадах часопіс уваходзіў у склад рэдакцыйна-выдавецкай установы «Літаратура і мастацтва». Затым да 2021 года ў складзе выдавецкага дома «Звязда».
Змест публікацый[правіць | правіць зыходнік]
Друкуе творы беларускіх пісьменнікаў (раманы, аповесці, апавяданні, паэмы, вершы), публіцыстычныя і літаратуразнаўчыя артыкулы, рэцэнзіі, матэрыялы на навуковыя і грамадска-палітычныя тэмы. Існуюць сталыя рубрыкі «Паэзія», «Проза», «Пераклады», «Крытыка». З’явіліся новыя часткі: «Вяртанне», «Cathedra», «Гістфакт». У 1970—1980-я гады ў «Маладосці» былі каляровыя ўкладкі, прысвечаныя беларускаму жывапісу.
Галоўныя рэдактары[правіць | правіць зыходнік]
- Аляксей Кулакоўскі (1953—1958)
- Пімен Панчанка (1958—1966)
- Алесь Асіпенка (1966—1972)
- Генадзь Бураўкін (1972—1978)
- Васіль Зуёнак (1978—1982)
- Анатоль Грачанікаў (1982—1991)
- Генрых Далідовіч (1991—2002)
- Раіса Баравікова (2002—2011)
- Таццяна Сівец (2011)
- Святлана Воцінава (2012—2021)[3]
- Вольга Рацэвіч (з 2021 г.)
Аўтары[правіць | правіць зыходнік]
У часопісе ў розны час публікаваліся Якуб Колас, Пятрусь Броўка, Аркадзь Куляшоў, Янка Маўр, Іван Мележ, Іван Шамякін, Васіль Быкаў, Уладзімір Караткевіч, Максім Лужанін, Іван Чыгрынаў, Алесь Адамовіч, Янка Брыль, Васіль Вітка.
Працавалі ў часопісу Янка Брыль, Уладзімір Дамашэвіч, Янка Сіпакоў, Леанід Дайнека, Вячаслаў Адамчык, Мікола Гіль, Міхась Стральцоў, Мікола Аўрамчык, Алесь Жук, Казімір Камейша, Уладзімір Саламаха, Віктар Гардзей і Алесь Бадак.
З сучасных — Раіса Баравікова, Алег Грушэцкі, Алесь Карлюкевіч, Рагнед Малахоўскі, Алесь Марціновіч, Дзяніс Марціновіч, Алена Масла, Людміла Рублеўская, Віктар Шніп і шэраг іншых[4].
Гл. таксама[правіць | правіць зыходнік]
Зноскі
- ↑ The ISSN portal — Paris: ISSN International Centre, 2005. — ISSN 0131-2308
- ↑ Каталог газет і часопісаў БССР на 1966 год. — Мінск, Міністэрства сувязі БССР, 1965 — С. 32-33
- ↑ Звольненая галоўная рэдактарка часопіса «Маладосць». nn.by (2 лютага 2021).
- ↑ Маладосць // Нашы часопісы ў дапамогу настаўніку беларускай мовы і літаратуры (недаступная спасылка). Витебский областной институт развития образования (26 мая 2020). Архівавана з першакрыніцы 20 красавіка 2021. Праверана 13 лютага 2021.
Літаратура[правіць | правіць зыходнік]
- Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1999. — Т. 9: Кулібін — Малаіта. — 560 с. — 10 000 экз. — ISBN 985-11-0155-9 (т. 9), ISBN 985-11-0035-8.
- Лугоўскі, А. І. «Маладосць» // Слоўнік студэнта-філолага па методыцы выкладання беларускай літаратуры. — Мінск: БДПУ, 2005. — С. 59. — 106 с. — ISBN 978-985-501-667-1.
Спасылкі[правіць | правіць зыходнік]
- Маладосць Архівавана 28 верасня 2012. // kamunikat.org.